منوعات

طلاق مع إيقاف التنفيذ

الخلفية بټعيط بصوت عالي وهي بتقول قوليلها تسامحني يا ماما، والله ما لينا غيرها!
اتنهدت بعمق، وبصيت لصورة جدي الحاج محمود اللي متعلقة ورا مكتبي. افتكرت جملته الشهيرة اللي كان دايمًا يقولهالي يا نادين، القوي بجد مش اللي يدوس على اللي وقع، القوي هو اللي يقدر ينتقم بس يختار يرفع نفسه فوق الوحل… اعملي بأصلك يا بنتي، بس إياكي تدي الأمان للي خانك مرة تانية!
مسكت القلم اللي على مكتبي، وقلت بصوت هادي وحاسم اسمعيني كويس يا ماما. اللي اتكسر جوايا من ناحيتكم عمره ما هيتصلح، ولا هينفع نرجع أم وبناتها زي زمان، لأنكم دبحتموني بدم بارد ومشيتوا في جنازتي وأنا لسه عايشة.
أمي
شهقت بالعياط يعني هتسيبينا ڼموت من الجوع يا نادين؟
لأ، مش هسيبكم تموتوا من الجوع، عشان خاطر ربنا، وعشان خاطر ابن أختي اللي ملوش ذنب في وساخة أبوه وأمه. أنا هبعتلكم الأستاذ شريف النهاردة، هيأجرلكم شقة محترمة في مدينة نصر باسم الشركة، وهيعملكم مرتب شهري ثابت يكفيكم تعيشوا مستورين إنتِ ومنة وابنها.
أمي صړخت بفرحة ممزوجة بدموع ربنا يباركلك يا بنتي! ربنا يجبر بخاطرك! طب مش هتيجي تشوفينا؟ مش هترجعينا فيلتك؟
رديت عليها بنبرة باردة وقاطعة مفيهاش أي مجال للنقاش فيلتي وحياتي وشركتي خط أحمر يا عايدة هانم. المرتب والشقة دول صدقة وصلة رحم عشان ما أبقاش قاطعة رحمي قدام ربنا،
لكن مفيش بينا لا زيارات ولا تليفونات ولا لقاءات. كل واحد يعيش في حاله، وياريت تحمدوا ربنا على النعمة دي وتحافظوا عليها، لأن أي محاولة منكم تقربوا مني أو من شغلي، هوقف كل حاجة فورًا. مع السلامة.
قفلت السكة، وعملت بلوك للرقم، وحطيت الموبايل على المكتب وأنا حاسة إني أخيرًا حررت نفسي من آخر قيد كان رابطني بالماضي. لا ظلمت، ولا افتريت، ولا خليت قلبي يقسى لدرجة إني أسيب طفل رضيع في الشارع، وفي نفس الوقت حميت نفسي وحدودي من ناس لو رجعتلهم هيلدغوني تاني!
بالليل، كنت في حفلة افتتاح المشروع اللوجستي الجديد في العين السخنة.
المكان كان مبهر… أضواء، كاميرات صحافة وتلفزيون،

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى