
عشان تلبسه في مصاريف الولد، وكريم أنكر نسب الولد في النيابة وقال إنها كانت على علاقة بناس تانية في الشركة! فضيحتها بقت بجلاجل في السوق كله، ومفيش شركة راضية تشغلها، وقاعدة دلوقتي في شقة إيجار قديم مع أهلها في شبرا، بتلف في محاكم الأسرة عشان تثبت نسب ابنها!
هزيت راسي بهدوء سبحان الله… كل واحد شرب من نفس الكاس اللي كان بيسقيه لغيره.
بعد ما الأستاذة أمل مشيت، قعدت لوحدي في المكتب شوية. فكرت في السنة اللي فاتت دي كلها.
أول ما استلمت إدارة شركة جدي، كان فيه ناس كتير في السوق بتبصلي على إني بنت صغيرة ومهندسة حكومة مش هتفهم في شغل المقاولات والنقل التقيل.
بس هما ما كانوش يعرفوا إن جدي الله يرحمه كان بياخدني معاه المخازن والمواقع وأنا لسه في ثانوي، وكان بيعلمني إزاي أقرأ الميزانيات، وإزاي أتعامل مع المقاولين، وإزاي ما أخافش من أي تحدي.
اشتغلت ١٦ ساعة في اليوم. سافرت الموانئ بنفسي، راجعت كل العقود القديمة، نضفت الشركة من الفاسدين، ودخلت تكنولوجيا حديثة في إدارة الأساطيل والتخزين. وفي خلال سنة واحدة، أرباح الشركة زادت بنسبة ٤٠٪، واسم المهندسة نادين بقى بيتردد باحترام في كل المؤتمرات الاقتصادية!
الساعة ١٢ الضهر، جالي اتصال من رقم غريب. رديت بهدوء ألو؟
سمعت صوت بيعيط وبيترعش على الطرف التاني… صوت عارفاه
كويس أوي، بس المرة دي مكنش فيه لا غرور ولا استعلاء نادين… يا بنتي… أنا أمك، أرجوكي ما تقفليش السكة في وشي!
سكت ثواني، مكنتش حاسة لا پغضب ولا بكره، كنت حاسة بفراغ غريب، كأن اللي بتكلمني دي واحدة غريبة قابلتها في القطر من سنين. خير يا ماما؟ محتاجة حاجة؟
يا بنتي إحنا في الشارع! منة جوزها اتحبس ٧ سنين، وصاحب الشقة طردنا عشان مش قادرين ندفع الإيجار، ومش لاقيين تمن اللبن والعلب للواد الصغير! أنا غلطت في حقك يا نادين، الشيطان عماني والطمع خلاني أبيع بنتي الكبيرة اللي طول عمرها شايلاه على راسها… سامحيني يا بنتي، أبوس إيدك ارحميني، ده أنا أمك!
سمعت صوت
منة في




