
وزراء ورجال أعمال من كل مكان، وشعار شركتي منور السما كلها.
كنت لابسة فستان سهرة كلاسيك باللون الكحلي الغامق، وواقفة على المنصة بقدم كلمة الافتتاح، والناس كلها بتسمعني باهتمام وانبهار.
بعد ما خلصت كلمتي وسط تصفيق حاد من الحضور، نزلت من على المنصة، ولقيت شاب في أواخر التلاتينات، لابس بدلة شيك وملامحه هادية ومريحة، جاي ناحيتي ومعاه الأستاذ شريف.
الأستاذ شريف ابتسم وقالي باشمهندسة نادين، أحب أعرفك بالمهندس طارق المنشاوي، استشاري التطوير الهندسي
للمشروع، واللي كان بيدير الفريق الفني في الموقع طول ال ٦ شهور اللي فاتوا.
طارق مد إيده بابتسامة محترمة جدًا أهلاً بيكي يا باشمهندسة، حقيقي شرف ليا إني اشتغلت تحت قيادتك. رؤيتك الهندسية في تخطيط الميناء الجاف وفرت علينا شهور من الشغل، وبصراحة إنتِ نموذج مشرف لأي ست مصرية ناجحة.
ابتسمت له ابتسامة صافية، طالعة من قلب نضيف اتغسل من كل أوجاع الماضي شكرًا جدًا يا باشمهندس طارق، النجاح ده مجهود الفريق كله، وشغلك في الموقع كان فوق الممتاز.
وقفنا نتكلم
شوية في تفاصيل الشغل، ولأول مرة من سنين، حسيت إني بتكلم مع راجل بيبصلي بعين التقدير والاحترام لعقلي ونجاحي، مش لعربيتي ولا لرصيدي في البنك ولا لورث جدي!
بصيت للسما الصافية فوق البحر، والهوا البارد بېلمس وشي، وابتسمت وأنا بقول في سري شكرًا يا جدي على هديتك… بس الهدية الحقيقية مكنتش ال ٦ مليون جنيه ولا الشركة. الهدية الحقيقية كانت إني اكتشفت نفسي، وعرفت قيمتي، واتعلمت إن الست اللي تقدر تقف على رجليها لوحدها، مفيش قوة في الدنيا تقدر تكسرها!
تمت
بحمد الله.




