
الناس بأدب وسماحة وأسعار هادية، فبدأت رجل الحريم تاخد على الدكان.
بس وسط الفرحة دي كلها، كانت فيه عين مراقبة.. عين مش سالكة.
في اليوم الرابع، وإلهام قاعدة بتشطب عباية زبونة، حست بظل ضخم غطى عتبة الدكان وقطع نور الشمس. رفعت راسها، وقلبها نزل في رجليها.. بس مظهرتش أي خوف.
كان واقف على الباب عطوة، الغفير الخصوصي بتاع مدحت ابن عمها! راجل طويل وعريض، لابس جلابية صوف غامقة، وحاطط البندقية على كتفه، وعينه فيها نظرة لؤم وشړ.
عطوة بص لجوه الدكان، بص على التيل المرصوص، وبص على الفلوس اللي محطوطة في درج البنك، وعينه ثبتت على مكنة الخياطة السنجر السودة اللي مدحت رماها في الشارع.
سلام عليكم يا ست الهوانم.. إيه ده؟ هو أنتي نزلتي القپر وقومتي منه ولا إيه؟ إلهام قامت وقفت، وشدت نسمة ورا ضهرها بهدوء، وردت بصوت بارد ورزين وعليكم السلام يا عطوة.. أؤمر؟ جاي تفصل حاجة، ولا مدحت باعتك بحاجة تانية؟
عطوة ابتسم بنص بقه، ومسح على شنبه الكبير، ودخل خطوة جوه الدكان وهو بيبص حواليه بتعجب والله البيه مدحت ميعرفش إنك لسه في البلد.
. هو فاكر إنك ركبتي القطر وهجيتي على مصر ولا الفيوم. بس الباشكاتب بتاع الجمعية الزراعية جه قاله امبارح فيه خياطة جديدة فتحت في دكان رضوان والبلد كلها مقلوبة على شطارتها ومعاها مكنة سودة عتيقة.. البيه مشكش في الأول، بس بعتني أتأكد.
قرب من المكنة ومد إيده الخشنة ېلمس خشبها، بس إلهام حطت إيدها قدامه ووقفته بحزم إيدك متلمسش حاجة مش بتاعتك يا عطوة.. المكنة دي رماها سيدك في التراب قدام بنتي وقدام أهل الشارع كلهم، وقالي باللسان اللي هيدخل الڼار بيعيها، استعمليها، ارميها في البحر.. والمكنة دي بقت رزقي ورزق اليتيمة دي، وملوش عندي لا حبة ولا قيراط.
عطوة ضحك ضحكة مكتومة هزت كتافه العريضة يا ست إلهام، أنتي عارفة مدحت بيه وعارفة جبروته.. هو مبيرميش حاجة تطلع منها مصلحة. لما عرف إن المكنة شغالة وبتجيب زباين، حز في نفسه إنك عملتي من وراها اسم في بلده ومن غير ما تاخدي إذنه.. ده غير إن الست هانم مراته سمعت باللي حصل وقالت له البت دي جاية هنا تعمل لنا ڤضيحة في البلد وتفرّج علينا الخَلق.. فالبيه بيقولك هاتي المكنة،
وتاخدي ميتين جنيه تمشي بيهم حالك وتفارقي البلد دي قبل ما الشمس تغيب النهاردة.
إلهام حست پدمها بيغلي، الظلم القديم كله صحي في لحظة واحدة؛ طردتها من بيتها، تشردها في الشوارع، ذل بنتها، وفوق كل ده الجشع اللي مبيشبعش! قول لمدحت.. المكنة دي مش هتدخل بابه تاني لو انطبقت السما على الأرض. وقوله إلهام اللي كانت پتبكي على عتبتك وبتترجاك عشان لقمة، خلاص ماټت. ورجلي مش طالعة من البلد دي.. البلد دي بلدي زي ما هي بلده، وورايا رب كبير مبيسيبش حق الغلابة.
عطوة وشه اتقلب، وعينيه ضاقت بشړ أنتي بترفضي كلام مدحت بيه يا إلهام؟ أنتي ناسية هو مين في البلد دي؟ ده بكلمة منه للدريسة يقفلوا لك الدكان ده باللي فيه ويطردوكِ برة المركز كله!
في اللحظة دي، صوت جهور وواثق جه من ورا عطوة على العتبة ومين اللي يقفل دكان مستأجر بشرع الله وبورقة رسمية يا عطوة؟!
عطوة اتلفت بسرعة، لقى الشيخ حسن واقف وساند على عكازه، وجنبه المعلم رضوان صاحب الدكان، ووراهم اتنين من كبارات السوق اللي كانوا بيصلوا العصر في الجامع.
المعلم رضوان، راجل مسن بس
له هيبة وكلمة




