
أبويا أمي لمدة 28 سنة.. وأصر إني أعمل تحليل DNA، لكن النتيجة كشفت سر محدش كان يتخيله!
طول 28 سنة، وأبويا مقتنع إني مش بنته، وإن أمي خانته وجابتني من راجل تاني! عمره ما ساب فرصة إلا وذلّني فيها، وكل ما كنت أكبر، كانت اتهاماته بتزيد، لحد ما بقيت بتمنى أخلص من البيت ده وأعيش في أي مكان بعيد عن إهاناته.
لكن عمري ما تخيلت إن اليوم اللي طلب مني فيه أعمل تحليل DNA هيكون بداية سر هيقلب حياتي كلها!
أنا اسمي مريم، عندي 28 سنة، وكنت عايشة مع أبويا عثمان وأمي سعاد في شقة كبيرة في مصر الجديدة.
أبويا كان صاحب شركة مقاولات،
وراجل بيهتم جدًا بمظهره قدام الناس، وسمعته عنده بالدنيا وما فيها. لكن جوه البيت كان شخص تاني خالص، قاسې ومفيش في قلبه رحمة.
من وأنا طفلة، وهو بيبص لملامحي ويقارنها بملامحه، وكل شوية يكرر نفس الجملة إنتِ مش شبهي! لا لون عينيكي شبهي ولا شعرك شبه حد في عيلتي!
في الأول مكنتش فاهمة هو قصده إيه، لكن مع الوقت بدأت أفهم إن أبويا شايف اختلاف شكلي عنه دليل إن أمي خانته!
وكل ما أمي تحاول تدافع عن نفسها، كان صوته يعلى وېهينها ويقول لها فاكرة إنك هتفضلي تضحكي عليا العمر كله؟ أنا مش مغفل!
أمي كانت ست هادية وطيبة، عمرها ما كانت بتحب المشاكل،
وكانت دايمًا بتحاول تبعدني عن خناقاتهم. لكن كنت بشوف دموعها بعد ما أبويا يدخل ، وساعات كتير كنت ألاقيها قاعدة لوحدها ماسكة صورتي وأنا صغيرة وبتعيط.
أما أبويا، فعمره ما حسسني إني بنته. كان بيحسب عليا كل جنيه، ولو طلبت منه حاجة زيادة يرد عليا بكل قسۏة
أنا مش ملزم أصرف على بنت مش متأكد إنها من دمي!
حتى لما خلصت الثانوية ودخلت الجامعة، رفض يدفع مصاريف تعليمي، واضطريت أشتغل في مكتب محاسبة بعد المحاضرات عشان أقدر أكمل دراستي.
أمي كانت بتساعدني من مرتبها البسيط، وكل ما أضعف وأقول لها إني تعبت ومش قادرة أكمل، كانت تمسك إيدي
وتقول لي




