منوعات

ثمن الثقة العمياء

الجزء الثالث و الاخير
الممرضة فتحت الباب بالراحة وخرج الأستاذ سيد وحماتي، وعلى وشهم علامات الراحة الممزوجة بالدموع. حماتي أول ما شافتني مسحت دموعها بطرف طرحتها وقالت بصوت واطي
ادخلها دقيقتين يا محمود، بس بالله عليك بلاش أي كلام يزعلها أو يتعب أعصابها، هي لسه طالعة من خطړ.
هزيت راسي بطاعة، وفتحت الباب ودخلت خطوة خطوة كأني داخل مكان مقدس وخاېف أعمل فيه أي صوت.
ريحة المطهرات وصوت جهاز نبضات القلب المنتظم جنب السرير كانوا ماليين الأوضة. قربت من السرير بالراحة، وبصيت لرنا. كانت نايمة على المخدة البيضا، وشها لسه أصفر، والكانولا في إيدها متوصلة بكيس الډم اللي بينزل نقطة نقطة في عروقها.
أول ما حست بوقفتي جنبها، فتحت عينيها ببطء وبصتلي.
قعدت على الكرسي اللي جنب السرير، ومديت إيدي بالراحة حطيتها على طرف السرير جنب إيدها، من غير ما ألمسها عشان متتضايقش أو تحس إني بفرض نفسي عليها.
ألف سلامة عليكي يا رنا… حمد الله على سلامتك.
فضلت باصالي ثواني، وبعدين حركت شفايفها بصعوبة وصوتها طلع همس ضعيف
الله يسلمك يا محمود.
بلعت الغصة اللي في زوري، وحاولت

أتماسك عشان معيطش قدامها وأوترها
أنا مش جاي أتكلم في أي حاجة دلوقتي، ولا جاي أطلب منك أي حاجة. كل اللي عايزه منك إنك ترتاحي وتاكلي كويس وتاخدي علاجك لحد ما تقومي بالسلامة وتبقي زي الفل. وأنا بره، أي حاجة هتحتاجيها في ثانية هتكون عندك.
بصت في عيني نظرة طويلة، كأنها بتدور ورا كلامي على الحقيقة، وبعدين غمضت عينيها بتعب وقالت بهدوء
شكرًا يا محمود.
الممرضة خبطت على الإزاز خبطة خفيفة تشاورلي إن الدقيقتين خلصوا. قمت وقفت، وبصيتلها بصة أخيرة وخرجت.
التمانية وأربعين ساعة اللي قضتهم رنا في العناية المتوسطة كانوا أطول يومين في حياتي. مسبتش المستشفى لحظة واحدة. كنت بنام على الكرسي الحديد في الممر بالليل، والصبح أنزل أجيب للأستاذ سيد وحماتي فطار ومشروبات دافية، وأخلص أي ورقة أو تحاليل يطلبها الدكاترة قبل ما حد يتكلم.
الأستاذ سيد كان شايف كل ده وساكت. مكنش بيكلمني كتير، بس نظرته ليا بدأت تتغير شوية بشوية من الڠضب للترقب، كأنه بيراقب يشوف هل اللي أنا بعمله ده مجرد رد فعل مؤقت من الإحساس بالذنب، ولا راجل فاق بجد وقرر يتغير.
يوم الخميس الصبح، الدكتور
كتب لرنا على خروج بعد ما الهيموجلوبين رفع وبقى تسعة ونص، والڼزيف وقف تمامًا.
ساعدت الأستاذ سيد في إننا ننزلها بالكرسي المتحرك لحد باب المستشفى، وركبت معاهم عربيتي ووصلتهم لحد بيتهم في مصر الجديدة. طول الطريق رنا كانت ساندة راسها على إزاز العربية وساكتة، وأنا ببص عليها في المراية وقلبي بيتقطع، بس ساكت ومحترم رغبتها في البعد.
وصلنا تحت العمارة، ونزلت فتحتلها الباب وسندتها لحد ما قعدت على الكرسي في مدخل العمارة عشان تاخد نفسها قبل ما تطلع الأسانسير.
بصيت للأستاذ سيد وقلت بجدية وهدوء
عمي، أنا هسيب رنا ترتاح وسطكم اليومين دول، ومش هضغط عليها بأي زيارة إلا لما هي تسمح بده. بس أوعدك إن المرة الجاية اللي هاجي فيها البيت ده، هكون جاي وأنا مخلص كل حاجة ومقفل كل الحسابات القديمة.
هز الأستاذ سيد راسه وقال بهدوء
ربنا يصلح الحال يا ابني، الأهم دلوقتي صحتها.
طلعت رنا مع أهلها، وأنا ركبت عربيتي وطلعت على طول على طريق الكورنيش ناحية روض الڤرج.
كان جوايا هدوء غريب… هدوء ما قبل العاصفة.
وصلت بيت أمي الساعة اتنين الضهر. طلعت السلم، وخبطت على الباب. ثواني
والباب اتفتح، ولقيت كريم

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى