منوعات

ثمن الثقة العمياء

أخويا الصغير واقف قدامي، وأول ما شافني وشه اتخطف.
دخلت من غير ما أستأذن، ولقيت أمي قاعدة في الصالة، وجنبها مروة أختي وجوزها حاتم. واضح إن أمي جمعتهم كلهم أول ما قفلت السكة في وشها في المستشفى.
أول ما أمي شافتني، قامت وقفت وحطت إيدها على صدرها وقالت بنبرة درامية
أهلاً يا سي محمود! أخيرًا افتكرت إن ليك أم تسأل عليها بعد ما رميتلي كلمتين زي السم وقفلت السكة في وشي؟!
مبصتلهاش بانفعال، قعدت على الكرسي اللي في وشهم، وحطيت رجل على رجل، وبصيتلهم كلهم بهدوء
إزيك يا حاتم؟ إزيك يا مروة؟ إزيك يا كريم؟
حاتم، جوز مروة، راجل محترم وابن أصول، رد عليا باحترام وقلق
أهلاً يا محمود، ألف سلامة على المدام، ماما فوزية قالتلنا إنها تعبت ودخلت المستشفى، طمنا عليها.
الحمد لله يا حاتم، عدت مرحلة الخطړ وخرجت النهاردة.
نط كريم في الكلام بحدة وعصبية
بقولك إيه يا محمود، إحنا جايين النهاردة عشان نفهم إيه الكلام اللي إنت قلته لماما في التليفون ده! إيه حكاية إنك عايز تبيع شقتي وتاخد فلوسها؟ هي الدنيا سايبة ولا
إيه؟!
بصيت لكريم ببرود خلّى دمه يغلي، وقلتله
وطي صوتك يا كريم وإنت بتكلمني، عشان أنا لحد دلوقتي بتكلم معاك بأدب. الشقة اللي إنت بتقول عليها شقتي دي، اتدفع فيها نص مليون جنيه مقدم من عرقي وشقايا، من غير علمي، ومن غير إذني!
اتدخلت مروة بسرعة وهي بتحاول تهدي الجو
يا محمود إحنا إخواتك، وماما كانت بتساعدنا عشان نقف على رجلينا، وإنت ما شاء الله مرتبك كبير ومش محتاج…
قاطعتها بنبرة حادة خلتها سكتت فورًا
مش محتاج؟! إنتي عارفة أنا كنت عايش إزاي الأربع سنين اللي فاتوا يا مروة؟ أنا كنت باخد تلات تلاف جنيه مصروف في الشهر، ومراتي بتدفع إيجار شقتنا وبتصرف على الأكل والكهربا من مرتبها، لحد ما جالها أنيميا حادة وقرحة في المعدة وكانت ھتموت مني امبارح بسبب قلة الفلوس، في الوقت اللي إنتي بتتجهزي فيه بأغلى الأجهزة، وكريم بيدفعله نص مليون جنيه مقدم شقة!
حاتم، جوز مروة، وشه احمر وبص لمروة ولأمي پصدمة حقيقية، وقال بصوت كله إحراج وڠضب
لحظة واحدة بس يا جماعة! إيه الكلام اللي أنا بسمعه ده؟! يا طنط فوزية،
حضرتك قلتيلي وقت الجواز إن الفلوس اللي جبتي بيها الجهاز ده ورث مروة من أبوها الله يرحمه! أنا عمري ما كنت أقبل أدخل بيتي مليم واحد من تعب محمود!
ارتبكت أمي، وبصت لحاتم بضيق وقالت
يا ابني ما هو أخوها الكبير، ومفيهاش حاجة لما يشيل أخته!
وقف حاتم من مكانه بجدية واضحة وقال
لأ يا طنط فيها، وفيها كتير كمان! أنا راجل ماليش في الحړام ولا أقبل أعيش على قفا حد. يا محمود، حقك عليا أنا، أنا مكنتش أعرف أي حاجة من دي، وأقسم بالله كل مليم اتصرف في جهاز مروة هحسبه معاك بالورقة والقلم وهيرجعلك، حتى لو هبيع عربيتي!
بصيت لحاتم بتقدير كبير، وقلتله
أقعد يا حاتم، إنت راجل محترم ومالكش ذنب في حاجة، وأنا مش جاي آخد حاجة من أختي اتجوزت بيها خلاص، اللي فات ماټ في الحتة دي. أنا جاي أتكلم في الباقي.
الټفت لأمي وبصيت في عينيها مباشرة
إحنا بنتكلم في أربع سنين يا أمي. مجموع اللي اتحولك على حسابك طول الفترة دي تلاتة مليون وستمية ألف جنيه. شيلنا منهم مصروفي، وشيلنا منهم جهاز مروة اللي أنا مسامح فيه لوجه الله.
يتبقى حوالي تلاتة مليون

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى