
عمري ما هنساها… نظرة كلها خيبة أمل وۏجع أب
تعرف يا محمود، يوم ما جيت تتقدم لرنا، أنا مسألتكش معاك كام ولا في حسابك إيه. أنا شفت شاب محترم، ابن ناس، وقلت ده اللي هيصون بنتي ويبقى سندها في الدنيا. سلمتك بنتي أمانة، صحتها وعافيتها وكرامتها… مش عشان ترجعلي نص بني آدمة بتتنقلها أكياس ډم في المستشفيات!
وطيت راسي في الأرض وقلت بصوت مكسور
عندك حق يا عمي، أنا غلطت، وغلطتي ملهاش مبرر. أنا كنت مغيب، وكنت فاكر إني بعمل الصح عشان مستقبلنا، مكنتش أعرف إن أمي بتعمل كده من ورايا.
أمك على عيني وراسي يا ابني، بس الراجل لما بيتجوز وبيفتح بيت، مراته بتبقى مسؤوليته الأولى قدام ربنا. إنت سبتها تتعصر بين الإيجار والمصاريف والمړض، وإنت عايش في عالم تاني. على العموم، الحمد لله إنها جت على قد كده، وأول ما رنا تقوم بالسلامة وتخرج من المستشفى، هتيجي معايا على بيتي.
رفعت عيني ليه بسرعة
يا عمي أرجوك، بلاش تاخدها مني بالطريقة دي! اديني فرصة أصلح غلطي، أنا وقفت تحويل المرتب لأمي النهاردة، وهروح أجيب كل حقوقي منها، وهبدأ معاها من أول وجديد.
هز راسه بهدوء حازم
القرار مش قراري يا محمود، ده قرار رنا لوحدها. لما تخف وتقف على رجليها، هي اللي هتقرر إذا كانت تقدر تكمل معاك تاني ولا لأ.
في اللحظة دي، موبايلي رن في جيبي.
طلعته وبصيت على الشاشة… كانت أمي!
بصيت للأستاذ سيد وقلتله
عن إذنك ثواني يا عمي، هرد على المكالمة دي بره في الجنينة وراجع حالاً.
خرجت بره مبنى المستشفى في الهوا، وفتحت الخط، وأنا حاسس ببركان جوايا بيغلي، لكن صوتي طلع هادي بشكل مرعب
ألو.
سمعت صوت أمي
بيعيط وبيترعش، نفس نبرة التمثيل اللي عاشت بيها عليا أربع سنين
ألو يا محمود… إيه يا ابني اللي إنت عملته ده؟!
عملت إيه يا أمي؟
بيكلموني من البنك ويقولولي إن التحويل الشهري اللي بيجي من شركتك اتلغى! وكمان جاي الصبح تتهمني في ذمتي وتمشي وتسيبني من غير ما تسأل عليا طول اليوم؟ بقى هي دي تربيتي فيك يا محمود؟ مراتك قدرت تمشي كلامها عليك وتقلبك على أمك؟!
ضحكت ضحكة قصيرة كلها مرارة، ووقفت قدام سور المستشفى
مراتي مقلبتنيش عليكي يا أمي… مراتي دلوقتي في العناية المركزة، بيعلقوا لها أكياس ډم عشان الهيموجلوبين عندها ستة، وعندها ڼزيف في المعدة من القهر وسوء التغذية!
سكتت أمي ثانية، وبعدين قالت بضيق واضح
يا سيدي ألف سلامة عليها، ما أنا قلتلك الصبح هي بتشتغل وبتقبض، يعني مش محتاجة! وبعدين ده يبرر إنك تلغي التحويل وتشك فيا؟ ما أنا قولتلك فلوسك في شهادات مقفولة عشان مستقبلك!
شهادات مقفولة برضه يا أمي؟! ولا نص مليون جنيه مقدم شقة لكريم، وجهاز مروة من الإبرة للصاروخ؟!
اتقطع النفس على الخط تمامًا.
محستش غير بصوت أنفاسها السريعة وهي بتحاول تستوعب أنا عرفت منين.
كملت كلامي بنبرة قاطعة زي السيف
أنا سمعت التسجيل الصوتي بتاع يوم ما رنا جتلك البيت يا أمي. سمعت كل كلمة قلتيها ليها، وسمعت معايرتك ليها إنها أرض بور، وسمعت اعترافك بعظمة لسانك إن فلوسي راحت لأخواتي!
حاولت تتكلم بصوت متلجلج
يا… يا محمود افهم بس، ده كريم أخوك الصغير وكان لازم أقف جنبه، ومروة أختك…
مقولتليش ليه؟! ليه كنتي بتاخدي مرتبي كله وتديني تلات تلاف جنيه مصروف، وتخليني أعيش مراتي في فقر
وذل، وإنتي بتبني مستقبل أخواتي بعرقي وشقايا؟!
أنا… أنا كنت
ناوية أرجعهم لك لما كريم يشتغل ويسدد…
كفاية يا أمي، أرجوكي كفاية كدب. أنا مش جاي أعاتبك دلوقتي، لأن مراتي بين الحياة والمۏت جوه. بس اعملي حسابك، أول ما أطمن على رنا وتخرج من المستشفى بالسلامة، هاجي البيت، وهقعد معاكي ومع كريم وجوز مروة، وكل مليم اتصرف من فلوسي هيرجعلي بالورقة والقلم… حتى لو اضطريت أبيع الشقة اللي اتدفعت مقدمها لكريم!
قفلت السكة في وشها قبل ما ترد، وحطيت الموبايل في جيبي وأنا حاسس إن حمل جبل اتشال من على صدري، لكن في نفس الوقت خاېف من اللي جاي.
رجعت دخلت المستشفى، وطلعت عند باب العناية.
كان الأستاذ سيد وحماتي واقفين بيتكلموا مع الممرضة، وأول ما شافوني، الممرضة ابتسمت وقالت
الحمد لله يا فندم، المدام فاقت دلوقتي، والهيموجلوبين بدأ يرفع مع أول كيس ډم. الدكتور سمح إن شخص واحد بس يدخل يطمن عليها دقيقتين بالعدد.
بصيت للأستاذ سيد وحماتي، وقلت بصدق
ادخلوا إنتوا الأول يا عمي، هي محتاجة تشوفكم أكتر من أي حد دلوقتي.
هز الأستاذ سيد راسه بتقدير، ودخل هو وحماتي جوه، وأنا وقفت أبص من الإزاز الصغير اللي في الباب.
شوفت رنا نايمة على السرير، وشها لسه شاحب، وفي دراعها خراطيم المحاليل وكيس الډم، وأمها ماسكة إيدها وبتبوسها وبتعيط، وأبوها بيمسح على راسها بحنان.
فجأة، رنا حركت راسها ناحية الباب… وعينيها جت في عيني من ورا الإزاز.
فضلت باصالي ثواني طويلة، نظرة هادية، مفيهاش ڠضب ولا صړيخ، بس فيها سؤال واحد تقيل أوي… سؤال مكنتش متأكد إذا كنت هقدر أجاوب عليه ولا لأ
هل لسه فيه
مكان ليك في حياتي بعد كل ده يا محمود؟
يتبع…




