منوعات

ثمن الثقة العمياء

الجزء الثاني
ضغطت رنا على زرار التشغيل، وبدأ الصوت يطلع من سماعة الموبايل واضح ونقي، كأنه بيحصل قدامي دلوقتي.
في الأول سمعت صوت رنا، كان واطي ومكسور ومليان إحراج
يا طنط فوزية، أنا والله ما كنتش هاجي أطلب منك حاجة لو معايا، بس الدكتور قالي إن الأنيميا وصلت لمرحلة خطړ، ولازم أعمل منظار وتحاليل ضروري الأسبوع ده، والتكلفة حوالي خمستاشر ألف جنيه. ومرتبي كله رايح على الإيجار والبيت، ومحمود فاكر إن الأمور ماشية.
ثواني صمت في التسجيل، وبعدها سمعت صوت أمي… بس مش الصوت الحنين الدافي اللي بتكلمني بيه. كان صوت بارد، قاسې، ومليان استعلاء
وإنتي جاية تطلبهم مني أنا ليه يا ست رنا؟ هو أنا كنت خلفتك ونسيتك؟!
يا طنط دي فلوس محمود، وأنا مراته، ومحتاجة أتعالج بس مش أكتر، وأول ما ربنا يكرمني هتصرف.
ضحكت أمي ضحكة قصيرة كلها سخرية، وقالت
فلوس محمود؟! إنتي فاكرة إن تعب ابني وشقاه طول الشهر ده عشان حضرتك تروحي تصرفيه على الدكاترة والتحاليل؟! اسمعي يا بنت الناس، الفلوس دي ليها أصحابها، وليها مكانها اللي بتروح فيه.
أصحابها مين يا

طنط؟ دي تحويشة جوزي عشان شقتنا ومستقبلنا!
ردت أمي بنبرة حادة وعالية
مستقبلكم إيه يا أم مستقبل؟! إنتي بقالك أربع سنين متجوزاه، لا جبتي حتة عيل يربطك بيه، ولا نافعة بحاجة، مجرد أرض بور قاعدة بتاكلي وتشربي على قفاه! أروح أنا أضيع فلوسه عليكي؟ ده أنا لسه دافعة نص مليون جنيه من فلوسه مقدم شقة لأخوه كريم عشان يلحق يتجوز، وقبلها مجهزة أخته مروة من الإبرة للصاروخ عشان متبقاش أقل من بنات عيلتها! محمود ابني أنا، وواجبه يشيل أخواته قبل ما يصرف مليم على واحدة زيك!
اتجمدت مكاني.
الموبايل وقع من إيد رنا على الترابيزة الصغيرة اللي جنب الباب، لكن الصوت فضل شغال، وأمي بتكمل كلامها في التسجيل
اطلعي بره بيتي يا رنا، وإياكي تفتحي بقك بكلمة قدام محمود، عشان لو اتكلمتي، هخليه يرميكي في الشارع من غير ما يفكر لحظة. إنتي عارفة هو بيصدق مين فينا!
رنا مدت إيدها ووقفت التسجيل، وساد صمت تقيل أوي في الشقة… صمت كنت سامع فيه دقات قلبي وهي بتخبط في ضلوعي زي المطرقة.
بصيت في الأرض، ومقدرتش أرفع عيني في عينها.
كلمة أرض بور كانت بترن في وداني زي
السكاكين.
أمي… أمي اللي طول عمرها بتحسسني إنها شايلة همي، وإنها بتحوشلي القرش عشان تشتريلي شقة تمليك وتأمن مستقبلي، طلعت بتاخد تعبي وشقايا وتوزعه على أخواتي!
كريم، أخويا الصغير اللي لسه متخرج من سنتين ومبيشتغلش شغلانة ثابتة، اتدفعله نص مليون جنيه مقدم شقة من عرقي! ومروة، أختي اللي جوزها مقتدر، اتجهزت من الإبرة للصاروخ من فلوسي!
وفي نفس الوقت، مراتي اللي شايلة اسمي وبيتي، كانت بتاكل نودلز رخيصة نص الليل، ومش لاقية تمن كشف دكتور، وبتتعاير إنها مخلفتش… وهي أصلاً مخلفتش بسبب سوء التغذية والأنيميا والضغط النفسي اللي عيشتها فيه!
رفعت عيني ليها بصعوبة، وصوتي طلع مبحوح ومخڼوق
ليه… ليه مقولتليش من تلات شهور يا رنا؟ ليه مسمعتنيش التسجيل ده يومها؟
ابتسمت رنا ابتسامة باهتة، كلها ۏجع وخذلان، وقالت
أقولك إيه يا محمود؟ لو كنت جيتلك بالتسجيل ده يومها، كنت هتقولي إني بتجسس على أمك، وإني عايزة أوقع بينك وبينها. إنت كنت مغيب لدرجة إنك مش شايف إني بدبل قدامك كل يوم. كنت مستنية إنك تشوف بعينك، وتحس بيا من نفسك، من غير ما أضطر
أكسر صورة أمك في عينك. بس

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى