منوعات

ثمن الثقة العمياء

للأسف… إنت مصحيتش غير لما شوفت تقرير المستشفى، وحتى ساعتها، روحتلها عشان الفلوس، مش عشاني.
هزيت راسي بنفي سريع، وقربت منها خطوة
لأ والله يا رنا، أنا روحتلها عشانك إنتي! أنا لما شوفت التقرير حسيت إني كنت أعمى، حسيت إني ظلمتك ظلم عمري ما هسامح نفسي عليه. اديني فرصة واحدة بس أصلح كل اللي حصل، هرجع كل مليم اتاخد مني، وهعوضك عن كل يوم تعبتي فيه!
رجعت لورا خطوة، ومدت إيدها مسكت دراع شنطة السفر الكبيرة.
مفيش حاجة بتتصلح بعد ما الروح تنكسر يا محمود. أنا صبرت أربع سنين، استحملت الفقر وإحنا معانا فلوس، استحملت كلام أمك وتلقيحها عليا في كل قاعدة، واستحملت الۏجع في جسمي لحد ما بقيت مش قادرة أقف على رجلي. دلوقتي أنا مش عايزة غير إني أرتاح… أروح بيت أبويا، أتعالج، وألملم اللي باقي من نفسي.
مش هسيبك تمشي بالمنظر ده يا رنا! إنتي تعبانة ومينفعش تتحركي أصلاً!
مسكت دراع الشنطة بإيدي عشان أمنعها، فحاولت تشدها مني بعصبية وهي بټعيط
سيب الشنطة يا محمود! سيبني أمشي بقى، حرام عليك كفاية لحد كده!
فجأة، وهي بتشد الشنطة بكل قوتها، ملامح وشها اتغيرت
تمامًا.
لونها اتخطف في ثانية، وبقى أبيض زي الورق، وحطت إيدها الاتنين على بطنها وهي بتتأوه بصوت مكتوم
آه… بطني…
سيبت الشنطة فورًا ومسكتها من كتافها بلهفة
مالك يا رنا؟ في إيه؟!
مقدرتش ترد. شفايفها كانت بترتعش، وعرق بارد غرق جبينها في لحظة. حاولت تسند على الحيطة، لكن رجليها سابتها، وقبل ما ألحق أقعدها على الكرسي، كحت كحة شديدة وحطت إيدها على بقها… ولما شالت إيدها، كان فيه ډم!
قلبي وقع في رجلي.
رنا! رنا ردي عليا!
عينيها قلبت لفوق، وجسمها كله اتقل بين إيديا ووقعت مغمى عليها في نص الصالة.
صړخت باسمها وأنا بخبط على خدها بخفة بړعب
رنا فوقي! عشان خاطري ردي عليا!
مفيش أي استجابة. نفسها كان ضعيف جدًا وسريع، ووشها ساقع زي التلج.
من غير ما أفكر، شلتها بين إيديا، وطلعت أجري بيها على بره الشقة. حتى باب الشقة سبته مفتوح، ونزلت السلالم وأنا قلبي هيقف من الخۏف، حاسس إن روحي بتتسحب مني مع كل خطوة.
فتحت باب العربية اللي ورا، ونيمتها بالراحة على الكنبة، وطلعت قدام ودورت العربية وطلعت بأقصى سرعة ناحية أقرب مستشفى تخصصي في مدينة العبور.
طول الطريق
وأنا ببص عليها في المراية، بدعي ربنا من كل قلبي إنها متروحش مني. كنت حاسس إن لو جرالها حاجة، أنا هبقى السبب، أنا اللي قټلتها بإهمالي وغفلتي وثقتي العمياء في الناس الغلط.
وصلت قدام باب الطوارئ، وفرملت العربية پعنف، ونزلت أصرخ في الأمن والممرضين
الحقوني يا جماعة! مراتي پتنزف ومغمى عليها!
جريوا عليا بالترولي، وشالوها بسرعة ودخلوها أوضة الطوارئ، وأنا بجري جنبهم وماسك إيدها الساقعة لحد ما الممرضة وقفتني عند باب العناية
ممنوع الدخول يا فندم، استنى بره لو سمحت والدكاترة هيطمنوك.
اتقفل الباب في وشي، ووقفت في الطرقة لوحدي، بهدومي المكرمشة، وإيدي اللي لسه عليها أثر نقط الډم اللي كانت على شفايفها.
قعدت على الكرسي الحديد اللي في الممر، وحطيت راسي بين إيديا.
عدت نص ساعة كأنها سنة. كل دكتور أو ممرضة يخرجوا من الباب كنت بنط من مكاني وأسألهم، ومحدش بيديني إجابة واضحة غير بنتعامل معاها يا فندم، ادعيلها.
أخيرًا، خرج دكتور في الأربعينات، لابس البالطو الأبيض وعلى وشه علامات الجدية، وقرب مني
حضرتك جوز المدام؟
أيوة يا دكتور، طمني أرجوك، هي كويسة؟ إيه
اللي حصلها؟
اتنهد الدكتور وقال

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى