منوعات

ثمن الثقة العمياء

ابقى اتكلم عن الأكل والمصاريف.
فتحت الظرف، وطلعت منه ورقة تقرير طبي.
بدأت أقرأ، وكل سطر كنت بحسه أتقل من اللي قبله.
أنيميا شديدة، وسوء تغذية، وقرحة في المعدة محتاجة علاج وفحوصات إضافية.
رفعت عيني ليها پصدمة.
إيه ده يا رنا؟ إنتِ مريضة من إمتى؟
ردت بصوت مبحوح
من شهور. في الأول كان بيجيلي دوخة، وبعدها ۏجع معدة، وبقيت أوقات مش قادرة أكمل يوم الشغل. بس كنت بستحمل، عشان مفيش معايا فلوس أروح لدكتور وأعمل التحاليل.
قربت منها وقلت
طب ليه مخبيّة عليا كل ده؟!
ضحكت ضحكة صغيرة موجوعة.
مخبية إيه يا محمود؟ أنا كلمتك كتير، وقلتلك إني تعبانة ومحتاجة أكشف. وكل مرة كنت بتقولي إني بدلع وبصرف فلوسي على حاجات ملهاش لازمة!
حاولت أمسك إيدها، لكنها سحبتها بعيد.
وبعد لحظات قالت كلام خلاني أتجمد مكاني.
على فكرة، أنا من تلات شهور رحت لمامتك في بيتها في روض الڤرج، وطلبت منها خمستاشر ألف جنيه عشان أعمل التحاليل والأشعات اللي الدكتور طلبها.
بصيتلها باستغراب.
وإيه اللي حصل؟
قالت وهي بتبص في الأرض
طردتني من بيتها.
اتعصبت وقلت
إيه الكلام
ده؟ أمي تطردك ليه؟!
سألتها عن الفلوس اللي إنت بتحوشها عندها، وطلبت منها تساعدني بجزء بسيط لحد ما أخف. قالتلي إن دي فلوس ابنها، وماليش دعوة بيها، وإنه مش من حقي أمد إيدي على تعبه.
حسيت پغضب شديد، لكن جوايا كان فيه صوت بيقول إن الموضوع أكبر من مجرد خلاف بين أمي ومراتي.
وقفت وقلت بحسم
بكرة الصبح هروح لماما، وهطلب منها ترجعلي فلوسي كلها. كفاية كده، أنا مش هسيبك توصلي للحالة دي تاني.
رنا لمّت التقرير وحطته في الظرف، وبصتلي بنظرة عمري ما هنساها.
أنا مش عايزاك تعمل كده عشان حاسس بالذنب يا محمود. أنا كنت محتاجة جوزي يقف جنبي من زمان، مش بعد ما صحتي تضيع.
حسيت إن الكلام خنقني، لكني مردتش.
تاني يوم، الساعة سبعة ونص الصبح، كنت واقف قدام بيت أمي فوزية في روض الڤرج.
دخلت لقيتها قاعدة بتفطر، قدامها طبق جبنة وبيض وكوباية شاي.
أول ما شافتني استغربت.
خير يا محمود؟ إيه اللي جابك بدري كده؟
قعدت قصادها وطلعت التقرير الطبي من شنطتي.
شوفي يا أمي، رنا تعبانة جدًا، وعندها أنيميا شديدة ومشاكل في المعدة، ومحتاجة علاج وتحاليل.
بصت في
الورقة بسرعة، وبعدها حطتها على الترابيزة وهي بتتنهد.
يا ابني، مراتك دي من ساعة ما اتجوزتها وهي كل شوية تشتكي من حاجة. دي عايزة تعيش دور المړيضة وخلاص!
بصيتلها بعدم تصديق.
يا أمي، دي مش بتمثل! دي ممكن تكون محتاجة علاج ضروري!
ردت ببرود
ما تروح تكشف يا ابني، هي مش شغالة وبتقبض؟ ولا إنت عايزني أنا اللي أصرف عليها؟
حسيت إن أعصابي بدأت تفلت مني.
قلت بوضوح
أنا مش جاي أتكلم في مين يصرف على مين. أنا جاي عشان أقولك إني عايز فلوسي. من النهارده مش هحوّلك مرتبي تاني، وعايز أعرف فلوس الأربع سنين اللي فاتوا راحت فين.
أمي حطت كوباية الشاي من إيدها، وبصتلي پصدمة.
إنت بتقول إيه يا محمود؟!
بقول إني عايز فلوسي اللي تعبت فيها.
اتغيرت ملامحها، وردت بنبرة حادة
قبل ما تيجي تحاسبني وتتهمني بالتقصير، لازم تعرف إن مراتك جتلي من تلات شهور وطلبت مني فلوس!
هزيت راسي وقلت
عارف يا أمي، رنا حكتلي كل حاجة.
هزت راسها ببطء، وبعدها قالت بنبرة غريبة
لأ يا حبيبي، إنت متعرفش الحقيقة كلها. لأن مراتك لما جتلي وطلبت مني فلوس، أنا فعلًا طردتها من بيتي
بنفسي…
سكتت لحظة، وبعدين قربت مني وقالت
بس اللي إنت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى