اختي جت تزورني ولما شافت العقد الغالي اللي جوزي جابهولي من الكويت انبهرت بيه

اختي جت تزورني ولما شافت العقد الغالي اللي جوزي جابهولي من الكويت انبهرت بيه ويومها العقد اختفى ، انا كنت متاكده انها اخدته، بقيت اتحايل عليها ترجعه قبل ما جوزي يعرف، بس هيه بقت تحلف بكل اللي ليها انه مش معاها ، لحد اللي حصل يوم عيد جوازي كان كارثه متصورتهاش في اسوء كوابيسي !
!! جوزي جابلي عقد غالي جدا وهو راجع من شغله في الكويت، ومفيش حد شافه إلا واټجنن عليه من حلاوته. في يوم أختي الكبيرة سلوى جات عندي البيت زي كل مرة مع عيالها، وفضلت قاعدة معايا، وطلبت مني أوريهولها.
أول ما مسكته في إيدها عينيها لمعت بطريقة غريبة وبقت تقيسه قدام المراية ومش عايزة تسيبه خالص، وتقولي ده أجمل حاجة عينيا شافتها في حياتي. ضحكت وسيبتها في الأوضة ودخلت المطبخ أعملها عصير فريش. وأنا واقفة في المطبخ نادت عليا بصوت عالي وقالتلي بقولك يا رهوم، جوزي لسه متصل بيا حالا وقال لي إنه خلص شغل وراجع البيت ضروري وعايزني أمشي حالا.
جريت على بره لقيتها بتلم شنطها وعيالها في استعجال شديد ومستعجلة جداً، ودعتني ومشيت في ثواني. أنا أصلاً مخدتش بالي لأي حاجة، وعدا اليوم ده عادي جداً كأي يوم طبيعي. تاني يوم الصبح بدأت أروق الشقة وأمسح التراب من على التسريحة.
جيت أشيل علبة العقد عشان أنظف تحتها، حسيتها خفيفة جدا فتحت العلبة واټصدمت .. العقد مكنش جواها! فضلت أدور في كل ركن في الأوضة وتحت السرير وفي الدولاب وأنا بدعي ربنا ميكونش اللي في بالي صح، بس للأسف مكنش موجود في أي حتة كأنه فص ملح وداب.
مستحملتش، مسكت تليفوني واتصلت بسلوى فوراً لأنها الوحيدة اللي دخلت الأوضة دي ولمسته. أول ما ردت قلتلها بصوت مذهول سلوى، العقد فين؟ العقد اتسرق من التسريحة ومحدش دخل البيت غيرك، رجعيه يا سلوى. سمعت صوتها اتقلب واتعصبت وقالتلي پغضب انتي بتتهميني أنا بالسړقة يا ريهام؟
! أنا غلطانة أصلاً إني جيت زرتك ودخلت بيتك! وقعدت تقفل في وشي الكلام وتزعق. رجعت دورت في الشقة كلها تاني وتالت على أمل ألاقيه مرمي هنا أو هنا بس مفيش فايدة. وجه بالليل، جوزي قالي إنه عايز ياخدني عيد ميلاد بنت أخته، وقالي البسي العقد اللي جبتهولك عشان تفرجيه للناس كلهم ويشوفوه عليكي.
ريقي نشف مكنتش قادرة أقوله إن أختي سرقته وأطلع عيلتي بالمنظر الژبالة ده قدامه. لبست فستاني ولبست العيال ونزلنا من غيره. ولما سألني باستغراب هو فين، قلتله بلخبطة أصله تقيل جدا ومش مناسب لمناسبه بسيطة زي دي . ضحك وقالي براحتك يا ستي، وعدت الليلة بس كنت على أعصابي.
أول ما راح شغله الصبح تاني يوم، جريت مسكت التليفون واتصلت بسلوى تاني وأنا بمۏت من العياط. قلتلها يا سلوى حرام عليكي، جوزي لو عرف والله العظيم ما هيسكت وهنطلع في نظره حرامية وجعانين، ويمكن يمنعني ان أهلي يدخلوا البيت.




