منوعات

ثمن الثقة العمياء

جنيه. الفلوس دي فين؟
سكتت أمي، ووشها اصفر، وبدأت تفرك إيديها في بعض بتوتر.
زعق كريم پغضب
وأنا شقتي مش هتتباع! أنا خلاص خطبت واتفقت مع الناس، مش هتبوظلي جوازتي عشان خاطر مراتك!
بصيت لكريم بصرامة وقلت
شقتك هتتنازل عنها بكره الصبح في الشركة العقارية، أو ترجعلي النص مليون جنيه كاش دلوقتي حالاً، غير كده هرفع قضية تبديد واستيلاء على أموال، ومش هيرفلي جفن! إنت شاب عندك أربعة وعشرين سنة، انزل اشتغل واتعب وكون نفسك زي ما أنا تعبت، لكن تبني مستقبلك على ډم مراتي… ده مستحيل يحصل!
سكت كريم لما شاف الجدية في عيني، وبص لأمي پخوف.
اتنهدت أمي بصوت مكسور، ودموعها نزلت، وقالت بصوت واطي
الفلوس… الفلوس في البنك في حساب توفير باسمي، فيهم مليون وتسعمية ألف جنيه… والباقي اتصرف في مصاريف البيت والجمعيات والعلاج واللي أخده كريم.
غمضت عيني ثانية، وأخدت نفس عميق. مليون وتسعمية ألف، ونص مليون شقة كريم، يعني اتنين مليون وربعمية ألف جنيه… أكتر من مليون جنيه طاروا في الهوا في أربع سنين، بس الحمد لله إن الباقي لسه موجود.
بصيت لأمي وقلت
بهدوء حازم
بكره الساعة تسعة الصبح هعدي عليكي، هنروح البنك نحول المليون وتسعمية ألف جنيه على حسابي الشخصي، وبعدها هنطلع على الشركة العقارية نلغي عقد شقة كريم ونسترد المقدم. وبالنسبة ليكي يا أمي، إنتي أمي وليكي عليا حق البر، كل أول شهر هبعتلك مصروفك اللي يكفيكي وزيادة، وهسأل عليكي وأطمن عليكي، لكن من النهاردة، لا ليكي علاقة بفلوسي، ولا ليكي كلمة على بيتي أو مراتي.
حاولت أمي تتكلم أو تعترض، لكن حاتم مسك إيد مروة وقام وقف وقال
كلام محمود عين العقل يا طنط، والحق مبيزعلش حد. يلا بينا يا مروة.
خرجت من بيت أمي في اليوم ده وأنا حاسس إني اتولدت من جديد. صحيح خسړت صورة مثالية كنت راسمها في دماغي سنين، بس كسبت نفسي، وكسبت كرامتي، والأهم إني عرفت طريق الحق فين.
تاني يوم الصبح، نفذت كل كلمة قلتها بالحرف.
رحت البنك مع أمي، وحولت المبلغ بالكامل لحسابي، وبعدها رحنا الشركة العقارية مع كريم اللي كان وشه في الأرض ومش قادر يبصلي، وخلصنا إجراءات التنازل واسترداد المقدم.
أول ما الفلوس بقت في حسابي، مأجلتش لحظة واحدة.
نزلت لفيت على مكاتب
العقارات في مدينة العبور، وفي خلال أسبوع واحد، لقيت شقة تمليك مية وتمانين متر، تشطيب سوبر لوكس، في كمبوند هادي ونضيف وفيه مساحات خضرا وهوا نقي. دفعت تمنها كاش، وكتبت عقد الشقة باسمي واسم رنا مناصفة بينا، وبدأت أفرشها بأحسن عفش وأجهزة جديدة تليق بيها وبصبرها معايا.
طول الشهرين اللي فاتوا دول، كنت بتابع أخبار رنا كل يوم من خلال الأستاذ سيد.
كنت بكلمه كل يوم بالليل أطمن على نتيجة تحاليلها، وأعرف كلت إيه وخدت علاجها في ميعاده ولا لأ. كنت ببعتلها كل أسبوع بوكس فيه فاكهة طازة وعسل أبيض ومكسرات وحاجات تقوي مناعتها مع سواق أوبر، من غير ما أكتب عليه غير كارت صغير ألف سلامة عليكي.
مضغطتش عليها ولا مرة، ومروحتش أخبط على بابهم وأتحايل عليها ترجع، لأني كنت فاهم كويس إن الچرح اللي جواها محتاج وقت، وإن الرجولة الحقيقية مش بالكلام المعسول، الرجولة بالأفعال والصبر.
بعد شهرين بالظبط، كلمت الأستاذ سيد بالليل، وقلتله بصوت هادي
عمي، أنا عارف إني تقلت عليكم الفترة اللي فاتت، بس كنت بستأذن حضرتك إني أعدي عليكم بكره بعد الضهر، أقعد مع رنا
ربع ساعة بس، ولو هي قررت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى