منوعات

مكـنة الخـياطة القديمـة

إيدها طرحة حرير، بصت ل نسمة وللشنطة المقطوعة ولجزمهم اللي غرقانة تراب، ولويت بوزها بقرف.
إلهام استجمعت كرامتها المتبقية وقالت
سامحني يا مدحت إني جيت من غير ميعاد.. أنا محتاجة بس لقمة ومكان ننام فيه كام يوم لغاية ما أشوف شغل. أنا أغسل، أطبخ، أخيط.. أي حاجة.
مكملتش كلمتها، وهو ضحك ضحكة صفرا
بقالنا سنين مانعرفش عنك حاجة.. حتى جنازة أبويا ماجيتيش فيها…
التهمة نزلت عليها زي الكرباج. ما راحتش لأن نسمة كانت بين الحياة والمۏت في المستشفى وقتها.. بس هتشرح لمين؟ لوشوش مابتفهمش غير لغة الفلوس؟
أرجوك يا مدحت.. أسبوع واحد بس، صوتها طلع مكسور، صغير، ومذلول.. وکرهت نفسها في اللحظة دي.
مراته نفخت وقالت بقلة ذوق
إحنا اللي فينا مكفينا، مش ناقصين شحاتين في البيت.
نسمة استخبت ورا رجل أمها، وإلهام حست إن فيه حاجة جواها ماټت.. مش بس بسبب الإهانة، لكن عشان الكلمة اتقالت قدام بنتها. شافت في عيون البنت سؤال واجع
هو إحنا وحشين يا ماما؟.
مدحت فضل باصص لها لحظة، وفجأة ابتسم.. بس مكنتش ابتسمة رحمة، كانت ابتسامة شماتة.
بتقولي بتعرفي تخيطي، مش كده؟
أيوه.
طيب استني.
..
دخل البيت ورجع وهو بيجر حاجة متغطية بخرقة قديمة، ورماها على الأرض عملت صوت رزع وطلعت عفرة تراب.
خدي.. دي مكنة خياطة الست ستيتة جدتك. بقالها سنين مركونة في البدروم ومضيقة علينا المكان. لو بتعرفي تخيطي بجد، اديكي لقيتي شغلانة تآكلك عيش.
إلهام بصت للمكنة ومش فاهمة.. مكنة قديمة، مصدية، دي صدقة ولا تريقة؟
يا مدحت.. أنا محتاجة سقف يلمني أنا وبنتي.
هز كتافه ببرود
بيعيها، استعمليها، ارميها في البحر.. أنا عملت اللي عليا.
اللي عليك؟ إلهام قالتها والدموع بتغلي في عينها، هي دي مروءتك؟
ده اللي عندي، والباب يفوت جمل…
وقفل الباب في وشها… روايات و اقتباسات
رزعة الباب رنت في الشارع الفاضي، وفي قلب إلهام، وفي معدة بنتها الفاضية.
نسمة بصت لأمها وعينها مليانة دموع
يا ماما.. هنعمل إيه دلوقتي؟
إلهام نزلت على ركبها، مسحت دموع بنتها وقالت بصوت قوي وهي بتترعش من جوه
هنعديها يا قلب أمك.. والله لنعديها. أمك دايماً بتلاقي حل. حصري على صفحة روايات و اقتباسات
وهي بتحضن بنتها قدام الباب المقفول والمكنة المصدية، مكنتش تعرف إنها بتقول الحقيقة.. مكنتش تعرف
إن المكنة دي مش بس حديد قديم.
المكنة دي كان فيها سر مستني ٤٠ سنة عشان ينقذ ست بتشبه الست اللي خبت السر ده زمان.. ست كانت بتمتلك نفس الصبر ونفس الۏجع….
بقلم مني السيد
إلهام قعدت ساعة تجر المكنة لغاية آخر الشارع. مكنة سنجر سودة بكنار دهبي باهت تحت التراب. تقيلة كأنها شايلة هموم الدنيا. نسمة كانت بتساعد بجر الشنطة وهي خاېفة على أمها…
وصلوا لجامع صغير في آخر البلد، مئذنته قصيرة وشكله بسيط. خبطت إلهام على باب السكن، طلع لها عم الشيخ حسن، راجل كبير شعره أبيض وعينه فيها حنية تريح.
يا حاج.. مالناش حتة نبيت فيها الليلة.
الراجل بص لهم بصه أب، وقال
ادخلي يا بنتي، البيت بيت ربنا.
لما حكت له، اتنهد بۏجع المكان اللي بننيم فيه الغربا مليان، بس فيه عشة ورا الجامع فيها مرتبة وغطا.. استري نفسك فيها الليلة، وبكرة يحلها الحلال…
العشة كانت ريحتها تراب وخشب، فيها شباك مكسور ومرتبة رقيقة.. بس بالنسبة لإلهام كانت قصر.
بكرة أفطركم بإذن الله.. ناموا دلوقتي،
قالها الشيخ حسن وسابهم.
لما بقوا لوحدهم، نسمة نامت من التعب وهي حاضنة عروستها. لكن إلهام مكنش جاي
لها نوم. قعدت تبص للمكنة في ضلمة الليل.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى