قصص وروايات

كنت خارجه من البيت متأخره والاتوبيس اتعطل

التليفون الداخلي رن، وكان الأمن تحت بيبلغه إن الوفد الأجنبي وصل قبل ميعاده بساعة كاملة!
جاسر بص في ساعته بقلق وصلوا بدري! وأستاذ طارق لسه في اجتماع بره الشركة، والملفات لسه متترجمتش للإنجليزي!
بصلي بنظرة فيها توتر واضح وقال هنعمل إيه دلوقتي؟ لو دخلوا الاجتماع ومفيش نسخ إنجليزي قدامهم، الصفقة دي ممكن تطير!
بصيتله بثقة، وابتسمت وقلت متقلقش يا بشمهندس… سيبلي 20 دقيقة بالظبط، وهتكون النسخ المترجمة على ترابيزة الاجتماعات!
جاسر رفع حاجبه باستغراب إنتي بتتكلمي إنجليزي كويس؟ قلت وأنا بلم الملفات من قدامه بسرعة أنا واخدة شهادة ترجمة تجارية، وكنت بترجم أبحاث وملفات لطلبة وشركات عشان أصرف على نفسي أيام الجامعة! حضرتك بس استقبلهم في قاعة كبار الزوار واشربوا القهوة، وأنا هكون عندك في الميعاد!
خرجت من مكتبه بسرعة وأنا حاسة إني في سباق مع الزمن! قعدت على مكتبي، فتحت اللابتوب، وبدأت أترجم وأنسق وأطبع بأقصى سرعة عندي. صوابعي كانت بتطير على الكيبورد، وعقلي شغال بأعلى كفاءة.
بعد 18 دقيقة بالظبط… كنت واقفة قدام باب قاعة كبار الزوار، وماسكه في إيدي 6 ملفات مترجمة ومطبوعة ومتغلفة بأناقة. خبطت ودخلت بهدوء، والوفد الأجنبي كان قاعد مع جاسر. قربت من الترابيزة، وحطيت نسخة قدام كل واحد فيهم بابتسامة هادية ولغة إنجليزية سليمة وطلاقة خلت الوفد نفسه يبتسم بإعجاب.
لما وصلت عند جاسر وحطيت النسخة قدامه، بص في الورق، وبعدين رفع عينه ليا… لو كان الإعجاب بيتحول لنظرة، كانت نظرة جاسر الشافعي ليا في اللحظة دي كفيلة تخلي قلبي يطير من مكانه!
الاجتماع مشي بأحسن صورة ممكنة، والوفد الأجنبي وقع العقود المبدئية وهما في قمة الرضا. بعد ما الوفد مشي، فضلت في القاعة بلم الورق، وجاسر كان واقف عند الباب بيودعهم.
قفل الباب، ولف ناحيتي، وقرب مني خطوتين… المرة دي كان قريب كفاية إني أشم ريحة برفانه الرجالي الهادي، وأشوف تفاصيل عينيه الرمادي بوضوح. بصلي وقال بنبرة صوت هادية ودافية جدًا أنقذتيني
النهاردة مرتين يا يارا.
وواضح إني مدين ليكي بعزومة غدا محترمة.
قلبي دق جامد، وحسيت إن وشي احمر تاني، بس حاولت أرد بهدوء ده شغلي يا بشمهندس، مفيش داعي لأي عزومة.
ابتسم ابتسامته الجانبية المستفزة تاني، وقال وهو بيقرب خطوة كمان أنا رئيس مجلس الإدارة هنا يا يارا، ولما أقول عزومة… يبقى ده أمر إداري واجب التنفيذ!
وفي اللحظة دي، واحنا واقفين قريبين من بعض وبنضحك… باب قاعة الاجتماعات اتفتح فجأة! بصينا ناحية الباب في نفس اللحظة… وكانت ريم واقفة على الباب، عينيها بتطلع شرار وهي بتبص لوقفتنا القريبة من بعض، ووراها واقفة واحدة ست كبيرة في السن، لابسة لبس فخم جدًا وبتبصلي بنظرة كلها صدمة وڠضب!
ريم صړخت بصوت عالي ملى الدور كله هو ده الشغل اللي كنت مشغول فيه ومقفل بابك عشانو يا جاسر؟! بتقف مع السكرتيرة الجديدة في قاعة مقفولة؟!
الست الكبيرة اللي معاها قربت مني وهي بتبصلي بقرف وقالت مين البنت دي يا جاسر؟ وإيه اللي بيحصل هنا بالظبط؟
!
اتجمدت مكاني وأنا حاسة إن الکاړثة الحقيقية لسه بتبدأ دلوقتي… وإن الأيام الجاية في الشركة دي مش هتعدي على خير أبدًا!
الفصل الثالث
الصوت اللي طلع من ريم كان عالي لدرجة إني حسيت إن إزاز قاعة الاجتماعات هيتكسر من حدة نبرتها، والموظفين بره في الطرقة أكيد سمعوا كل حرف!
وقفت متجمدة مكاني، إيدي ماسكة ملفات العقود بشدة لدرجة إن صوابعي ابيضت، وقلبي بيدق في صدري كأنه طبلة حرب. بصيت للست الكبيرة اللي واقفة جنب ريم؛ كانت ست في أواخر الخمسينات، لابسة تايير شانيل فاخر، ومجوهرات ألماس بتبرق في رقبتها وإيديها، وشعرها مرفوع بتسريحة كلاسيكية صارمة، وملامحها فيها نفس حدة عيون جاسر الرمادي… دي أكيد مامته!
الست قربت مني بخطوات تقيلة وواثقة، ووقفت قدامي بمسافة قصيرة، وبدأت تفحصني من فوق لتحت بنظرة كلها استعلاء وتقييم جارح، وبعدين لفت لجاسر وقالت بنبرة باردة وحادة إيه اللي بيحصل هنا يا جاسر؟ مين البنت دي؟ وإزاي ريم تيجي تزورك تلاقيك واقف معاها في قاعة مقفولة بالشكل ده؟!
ريم استغلت الفرصة وبدأت تمثل دور الضحېة المقهورة، وحطت إيدها على صدرها وقالت بصوت مبحوح شوفتي بعينك يا طنط فريدة؟
! الصبح دخلت مكتبه لقيتها واقفة معاه، ولما جيت دلوقتي عشان نتغدى سوا زي ما اتفقنا، السكرتيرة اللي بره تقولي البشمهندس في اجتماع مهم وممنوع حد يدخل! وفي الآخر ألاقيه واقف بيضحك معاها لوحدهم هنا!
حسيت إن الډم بيغلي في عروقي من الكذب والافتراء الواضح! هي كانت واقفة بره بتدلع على مكتبه الصبح، وماتفقوش على أي غدا أصلًا، وكمان القاعة دي بابها إزاز شفاف نصه الفوقاني يعني مش مستخبيين ولا حاجة!
كنت لسه هفتح بقي عشان أدافع عن نفسي وأوضح الحقيقة، لكن جاسر سبقني. الهدوء اللي كان مالي وشه من ثانية واحدة اختفى تمامًا، واتحول لبرود جليدي مرعب، ونظرة عيونه الرمادي بقت زي السكاكين. أخد خطوة لقدام بحيث وقف بيني وبينهم، كأنه بيعمل درع يحميني من نظراتهم وهجومهم، وبص لريم بنظرة خلتها ترجع خطوة لورا تلقائيًا!
قال جاسر بصوت واطي لكنه حاد وقاطع زي السيف أولاً يا ريم، صوتك مايعلاش في شركتي تاني أبدًا، مفهوم؟ ثانيًا، أنا مااتفقناش على أي غدا النهاردة، ولو حضرتك نسيتي، فأنا عندي هنا شغل بملايين مش نادي اجتماعي.
ريم اټصدمت من رده قدام مامته وقدامي، ووشها احمر من الإحراج وقالت بتلعثم بس يا جاسر أنا… أنا كنت فاكرة…
قاطعها جاسر بحزم وهو بيلف ناحية مامته وأهلاً بيكي يا أمي، نورتي الشركة. دي يارا فؤاد، مساعدتي التنفيذية الجديدة. وسبب وجودنا هنا إن كان عندنا وفد
أجنبي مهم جدًا من دقايق، ويارا هي اللي ترجمت العقود وأنقذت الصفقة في وقت قياسي، وكنت بشكرها على مجهودها.
طنط فريدة رفعت حاجبها وبصتلي بنظرة كلها شك وعدم تصديق، وقالت بسخرية واضحة مساعدتك التنفيذية؟
ومن إمتى بتعين بنات في السن ده في مكتبك الخاص يا جاسر؟ وبعدين فين سارة؟
رد
جاسر بهدوء مستفز وهو حاطط إيده في جيوبه سارة اتنقلت لقسم تاني بناءً على رغبتها، ويارا اتعينت بعد ما عدت من لجنة التقييم بالكامل.
وأظن إن قراراتي الإدارية في شركتي تخصني أنا لوحدي يا أمي.
الكلام كان واضح وصريح، ومفيهوش أي مجال للنقاش. فريدة هانم بلعت ريقها بضيق واضح إنها مش متعودة جاسر يرد عليها بالطريقة الحاسمة دي قدام حد غريب. بصتلي نظرة أخيرة كلها تحذير وكراهية، وقالت لجاسر طيب يا حبيبي، واضح إنك مشغول أوي. يلا يا ريم، خلينا نمشي عشان مانعطلش البشمهندس عن… شغله المهم!
ريم بصتلي نظرة كلها غل وتوعد، كأنها بتقولي مش هسيبك في حالك، ومشيت ورا فريدة
هانم وهما خارجين من الجناح.
أول ما باب الجناح اتقفل وراهم، حسيت إن ركبي سابت فجأة، واتسندت بإيدي على طرف ترابيزة الاجتماعات وأنا باخد نفسي بصعوبة! الموقف كان مرعب ومهين لأبعد الحدود! أنا لسه في أول يوم شغل ليا، ولسه ماقبضتش جنيه واحد، وعملت عداوة مع خطيبة رئيس مجلس الإدارة ومامته في نفس الدقيقة!
جاسر لف ناحيتي، ولما شاف وشي مخطۏف وإيدي بتترعش، ملامحه الصارمة اتغيرت فورًا لقلق واضح. قرب مني بسرعة وقال بنبرة دافية وهادية يارا… إنتي كويسة؟
رفعت عيني ليه، وحسيت إن دموعي متجمعة في عيني ڠصب عني، بس حبستها بالعافية. قلت بصوت مهزوز أنا… أنا آسفة جدًا يا بشمهندس. مكنش قصدي أسبب لحضرتك أي مشكلة مع خطيبتك أو والدتك. لو وجودي هنا هيعملك مشاكل في حياتك الشخصية، أنا مستعدة أقدم استقالتي حالًا أو أرجع لوظيفة منسقة المشروعات بعيد عن مكتب حضرتك.
جاسر وقف مكانه ثواني، وملامحه اتمسحت منها أي ابتسامة، وبصلي بنظرة عميقة جدًا وحادة في نفس الوقت، وقال أولاً، ريم مش خطيبتي.
رفعت عيني ليه پصدمة واستغراب مش خطيبتك؟ بس هي الصبح قالت…
قاطعني وهو بيتنهد بضيق ريم بنت شريك والدي الله يرحمه، ووالدتي هي اللي مصممة تربطني بيها عشان مصالح العيلتين والشركات. الموضوع كله كلام عائلي من طرفهم هما، وأنا عمري ما اديتها وعد ولا لبستها دبلة.
.. الدبلة اللي في إيدها دي هي اللي لابساها من نفسها عشان ترسم الدور قدام الناس!
سكت مش عارفة أقول إيه! الكلام ده قلب كل موازيني في لحظة! جاسر كمل كلامه وهو بيقرب خطوة، وصوته كان مليان ثقة وقوة وثانيًا، مفيش مخلوق على وش الأرض يقدر يمشيكي من مكانك طالما أنا اللي عينتك فيه، وطالما إنتي بتعملي شغلك بامتياز. مفهوم يا يارا؟ كلمة استقالة دي لو سمعتها منك تاني، هخصملك نص مرتبك!
ابتسمت ڠصب عني وسط توتري، وحسيت إن جبل تقيل اتشال من على صدري. قلت بهدوء مفهوم يا فندم.
ابتسملي ابتسامة دافية وقال يلا، روحي مكتبك وكملي شغلك، وماتفكريش في أي حاجة حصلت. اللي يهمني هنا هو كفاءتك
وبس.
خرجت من قاعة الاجتماعات وأنا حاسة إن روحي ردت فيا تاني. بقية اليوم عدى في شغل متواصل وضغط رهيب، بس كنت مستمتعة بكل دقيقة فيه.
جاسر كان بيعاملني باحترام وتقدير غير عادي، وكل ما يطلب مني حاجة وأنفذها بسرعة ودقة، كنت بشوف نظرة الفخر في عينيه الرمادي، وده كان بيديني طاقة جبارة.
الساعة جت 6 المغرب، ومواعيد الشغل الرسمية خلصت. كنت بلم حاجتي عشان أروح، فجاسر خرج من مكتبه وهو لابس جاكيت بدلته وماسك شنطته. بصلي وقال إنتي لسه قاعدة يا يارا؟ يلا عشان أوصلك في طريقي، الدنيا ضلمت والمواصلات في الوقت ده صعبة.
اتكسفت جدًا وقلت بسرعة لا شكرًا جدًا يا بشمهندس، أنا متعودة أركب عادي وبيتي مش بعيد أوي. رفع حاجبه بنفس نظرة التحدي اللطيفة وقال تاني هنعترض على أوامر المدير؟ يلا يا يارا، أنا ساكن في نفس الاتجاه تقريبًا.
نزلت معاه في الأسانسير الخاص، ولما خرجنا قدام باب الشركة، السواق فتح باب العربية المرسيدس السودا.
.. نفس العربية اللي بدأت عندها الحكاية كلها امبارح! أول ما شوفتها، ضحكت ڠصب عني وحطيت إيدي على وشي. جاسر بصلي وضحك بصوت عالي وقال مټخافيش، الإزاز المرة دي مرفوع ومفيش حد جوه يراقبك!
ركبت العربية وأنا مكسوفة، والطريق كله كان هادي ولطيف. جاسر سألني عن دراستي، وعن حياتي، ولما عرف إني عايشة لوحدي بعد ۏفاة
والدتي وإني اعتمدت على نفسي في كل حاجة، حسيت إن نظرته ليا زادت احترام وتقدير.
وصلت قدام عمارتي، شكرته ونزلت وأنا طايرة من الفرحة، وحاسة إن الدنيا أخيرًا بدأت تضحكلي بعد سنين طويلة من التعب والشقا.
عدى أسبوعين… أسبوعين كانوا من أجمل أيام حياتي. اتأقلمت على الشغل بسرعة، وبقيت دراع جاسر اليمين في الشركة. مفيش ملف بيعدي إلا تحت إيدي، ومفيش اجتماع بيحضره إلا وأنا معاه. العلاقة بينا تطورت من مجرد مدير وموظفة لصداقة هادية وتفاهم غريب من نظرة العين. كان دايمًا يهتم إني أكلت ولا لأ، ويجيبلي قهوتي بنفسه ساعات لما يلاقيني مضغوطة في الشغل!
بس طبعًا، الهدوء ده كان الهدوء اللي بيسبق العاصفة…
في يوم الخميس، الساعة كانت 4 العصر، وجاسر كان في اجتماع مهم جدًا مع مستثمرين أجانب في الدور العاشر، وساب تليفونه الشخصي واللابتوب بتاعه في مكتبه، وطلب مني ماأدخلش أي حد مكتبه لحد ما يرجع، وماأسيبش مكاني لحظة واحدة.
كنت قاعدة على مكتبي براجع شوية إيميلات، وفجأة سمعت صوت خطوات سريعة وعالية جاية ناحية الجناح. رفعت عيني… ولقيت ريم داخلة الجناح وعلى وشها

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى