كنت راجع من الجيش واختي فاجأتني بان نهى خطيبتي اتجوزت وسافرت مع جوزها

يخسر كل حاجة. وأبويا كان تعبان ومش قادر يتحمل، وكل يوم حالته كانت بتسوء أكتر.
سكتت شوية، وبعدين كملت
نادر عرض عليه إنه يسامحه في جزء كبير من الدين، مقابل إني أتجوزه. وأبويا رفض في الأول، لكن نادر فضل يضغط عليه، وفي الآخر بقينا قدام اختيار صعب. يا إما أبويا يدخل السچن ويتبهدل، يا إما أوافق على الجوازة.
حسيت إن الكلام ده مش داخل دماغي، فقولتلها
طب وإزاي اتجوزتيه؟ وإزاي سافرتي معاه؟
قالت وهي بټعيط
وافقت عشان أبويا يا حازم. كنت فاكرة إني كده بنقذه، وكنت مستنية إن الأيام تغير نادر، وإنه يمكن يحترمني بعد الجواز. وسافرت معاه أنا وأهلي، وقعدنا بره مصر فترة.
مراتي قربت منها بمنديل وقالتلها
كملي يا نهى، إحنا سامعينك.
نهى خدت المنديل وكملت
بعد سنتين من الجواز، نادر اتعرف على واحدة تانية، وبدأ يهملني أنا وابني. وبعد فترة قرر يتجوزها، ولما اعترضت قاللي إن وجودي في حياته انتهى، وإنه مش عايزني أنا ولا ابني. وطلقني ورجعني مصر، وفضلت أحاول أبدأ من جديد.
ساعتها بصيتلها بذهول وقلت
طب ليه مقولتوليش؟! ليه أبوكي مقالش إنه مديون؟! ليه سبتوني أعيش ست سنين
فاكر إنك بعتي كل حاجة عشان الفلوس؟!
نهى اڼفجرت في العياط وقالت
اتفقنا أنا وأبويا إني مقولكش. كنت عارفة إنك أول ما تعرف هتبيع اللي وراك واللي قدامك عشان تسد دينه، أو تستلف وتدخل نفسك في مشاكل. وإحنا مكناش عايزين نهدم مستقبلك بسببنا. أنت كنت لسه في بداية حياتك، وأبويا كان بيقول دايمًا إنك لازم تكمل طريقك وتنجح، حتى لو ده هيكون على حساب سعادتنا إحنا.
حطيت إيدي على راسي، وحسيت إن قلبي بيتقطع.
كل السنين دي وأنا فاكر إن نهى اختارت الفلوس عليا، وطلعت الحقيقة إنها كانت بتواجه مصير صعب لوحدها!
لكن كان لسه فيه سؤال واحد مش قادر أستوعب إجابته.
بصيت للولد وقلت
طب… طب لو كل اللي بتقوليه ده حقيقي، إزاي الولد ده شبهي بالشكل ده؟!
نهى سكتت.
بصتلها وقلت بصوت مهزوز
انطقي يا نهى… الولد ده أبوه مين؟!
فضلت ساكتة شوية، وبعدين رفعت عينيها ليا وقالت
أبوه نادر.
استغربت وقلت
نادر مين؟!
غمضت عينيها، وقالت الجملة اللي خلتني أحس إن الأرض اتسحبت من تحت رجليا
نادر أخوك من أبوك يا حازم!
اتجمدت مكاني!
أخويا؟!
نادر
أخويا؟!
فضلت باصلها مش قادر أتكلم، وبعدين قلت
انتي
بتقولي إيه؟! نادر ده أخويا أنا؟!
هزت راسها وهي بټعيط.
والحقيقة إن نادر كان أخويا من أبويا، لكنه كان عايش مع أمه في دبي من سنين طويلة. أبويا كان اتجوز أمه قبل ما يتجوز أمي، وبعد خلافات ومشاكل كبيرة حصلت بينهم، نادر سافر مع أمه، وكل واحد فينا عاش في طريق بعيد عن التاني.
وعلى مدار السنين، علاقتنا اتقطعت تمامًا، لدرجة إننا بقينا غرب عن بعض. وأنا كنت بكرهه جدًا بسبب المشاكل القديمة اللي حصلت بينه وبين أبويا، وهو كمان كان شايل مني كره كبير، ودايمًا كان بيحاول يثبت إنه أحسن مني.
لكن عمري ما تخيلت إنه ممكن يوصل بيه الكره إنه يأذيني بالطريقة دي!
بصيت لنهى وقلت
يعني نادر كان عارف إني خطيبك؟!
قالت
أيوه، وعشان كده اختارني أنا بالذات. هو كان عارف كل حاجة عنك، وعارف إنك بتحبني، وكان عايز ياخد منك أي حاجة ممكن تفرحك. حتى لما كان بيكلم أبويا عن الدين، كان بيتعمد يذكر اسمك قدامه، ويقوله إنك مش هتقدر تعمل حاجة، وإنه هيخلي بنته تتجوزه مهما حصل.
في اللحظة دي فهمت كل حاجة.
فهمت ليه نادر كان مصمم يتجوزها، وفهمت ليه أبوها كان بيضغط على نفسه ومش عايز يقولي
الحقيقة.
نادر ما كانش عايز نهى عشان بيحبها،




