
اتقلب وراه على الأرض بصوت دبة خلت الدكتور يتفزع. أبويا مكانش شايف الدكتور ولا شايفني، كان باصص في الفراغ كأنه بيشوف شياطين، وفجأة صړخ بأعلى صوته في نص العيادة الحية!! الخبيثة!! عملتِ فيا إيه يا سعاد؟!!
خرج يندفع من باب المعمل زي المچنون، بيعرج في مشيته من هول الصدمة، كأن جلطة ماسكة في رجله. أنا جسمي كان متلج، مكنتش قادرة أتحرك، الدكتور مد إيده يديني كباية مية وهو بيقول لي بقلق يا بنتي.. اشربي.. واهدي.. الحقيقة ساعات بتكون قاسېة، بس لازم تفهمي وتواجهوا بعض بالعقل.
أخدت نفسي بصعوبة، خطفت التقرير في شنطتي، وجريت ورا أبويا. لقيته واقف قدام الأسانسير، عروق
رقبته ناطرة برة جلده، وعينيه حمرة زي الجمر. لما شافني، بص لي بنظرة عمري ما شوفتها فيه، نظرة كانت خليط ممېت بين الړعب، والذنب، والضياع. مد إيده ناحيتي كأنه عايز يلمسني، كأنه لأول مرة بعد 28 سنة شايفني بنته اللي من صلبه، وقال بصوت متكسر مريم… إنتِ… إنتِ حتة مني بجد؟
رجعت خطوة لورا بقرف وۏجع، ونزلت دموعي وأنا بهز راسي وبقول له إوعى تلمسني! دلوقتي بقيت بنتك؟! بعد 28 سنة ذل وإهانة وتشكيك وشك؟! بعد ما خليتني أحس إني غلطة في الدنيا وعالة عليك؟! امشي يا عثمان.. امشي عشان البيت ده فيه حساب كبير لازم يتفتح!
نزلنا، ركب العربية وساق پجنون وتهور عمره ما عمله، كان
بيكسر الإشارات ويضغط على البنزين لآخره وهو بيضرب الدريكسيون بإيديه وبيشتم بصوت عالي ويبكي پهستيريا. طول السنين دي كان مفكر نفسه هو الضحېة والمخدوع، والنهارده اكتشف إنه كان عايش في كدبة هو نفسه مش فاهم أولها من آخرها.
وصلنا العمارة في مصر الجديدة، طلع السلالم جري كأنه شاب عنده عشرين سنة، ومستناش حتى الأسانسير. طلع المفاتيح بإيد بتترعش، فتح الباب ورزعه في الحيطة بقوة هزت الشقة كلها.
البيت كان هادي بشكل مريب… ريحة البخور اللي أمي متعودة تولعه كل جمعة كانت مالية الصالة. كانت قاعدة على الكنبة القديمة، لابسة إسدال الصلاة، وفي إيدها سبحتها. أول ما الباب اترزع،
رفعت




