
أيوه يا طنط فاطمة، إزي حضرتك؟
قالت من غير حتى ما تسألني عن السفر
بصي يا غرام، السبت الجاي فرح بنت أختي، وعايزاكي تجهزي مبلغ محترم تحطيه في الظرف. ومش عايزة منظرك قدام العيلة يبقى وحش، الناس كلها عارفة إن جوزك رجل أعمال كبير.
فضلت ساكتة لحظة، وبعدين رديت بهدوء
متقلقيش يا طنط فاطمة، هجيب هدية محدش هينساها.
يوم السبت، وصلت قاعة الأفراح في الزمالك، لابسة فستان أنيق وداخلة بثقة.
حماتي أول ما شافتني، أخدتني وبدأت تعرفني على قرايبها بفخر
دي غرام مرات ابني شهاب، رجل الأعمال المعروف.
كنت بسمع كلامها وببتسم، لحد ما جه وقت تقديم الهدايا.
طلعت ظرف كبير من شنطتي وقدمته لحماتي.
وشها اتفتح
بابتسامة رضا، وبدأت تفتحه قدام الموجودين وهي متوقعة تلاقي مبلغ كبير.
لكن أول ما فتحت الظرف، لقت جواه عشرين جنيه بس، ومعاهم كذا ورقة بيضا.
وشها اتقلب، وصړخت قدام الناس
إيه اللي إنتِ عملاه ده يا غرام؟! هو ده اللي قدرتي تقدميه؟! إنتِ عايزة تكسفيني قدام العيلة؟!
مسكت الميكروفون، وبصتلها بهدوء، وقلت بصوت واضح سمعه كل اللي في القاعة
قبل ما حضرتك تتكلمي عن الفلوس، اسألي ابنك الأول ليه بيجهز ورق طلاقي من ورايا؟ واسأليه كمان مين اللي كان موجود في أوضة نومي من يومين، وهو بيقفل سوستة فستانها!
القاعة كلها سكتت.
الناس بصت لبعضها، وشهاب اللي كان واقف بعيد اتجمد مكانه، ووشه اتغير في لحظة.
أما حماتي، فقربت مني بخطوات سريعة، ومسكَت دراعي، وهمست في ودني بكلام خلاني أحس إن الخېانة أكبر بكتير من مجرد علاقة بين جوزي وسكرتيرته.
قالتلي بابتسامة باردة
يا غبية، إنتِ لسه متعرفيش إحنا محضرينلك إيه! شهاب مش بيتصرف لوحده، وإنتِ مش هتخرجي من الموضوع ده بالسهولة اللي إنتِ فاكراها!
ساعتها فهمت إن الموضوع مش مجرد خېانة وطلاق…
دول كانوا محضرين لمؤامرة أكبر، ومخططين ياخدوا مني كل حاجة بنيتها بتعبي وفلوسي!
سحبت إيدي من قبضة حماتي بهدوء أعصاب أرعبها هي شخصيًا، الهدوء ده بالذات مكنتش متعودة عليه مني. أنا دايماً كنت غرام الطيبة، الهادية، اللي بتشتري خاطر الكل عشان مركب الجواز
تمشي. بس المركب خلاص



