قصص وروايات

كنت خارجه من البيت متأخره والاتوبيس اتعطل

كنت فاكرة إن الإزاز الغامق مجرد مراية، لكن فجأة الإزاز بدأ ينزل، وظهر وراه راجل وسيم بشكل يخطف الأنفاس، قاعد في الكنبة الخلفية، وبيبصلي من غير ما يرف له جفن!
يا أرض انشقي وابلعيني!
خصوصًا لما اكتشفت إني فاضلي تسع دقايق على أهم مقابلة شغل في حياتي.
لكن اللي ماكنتش أتخيله أبدًا، إن بعد مرور 11 دقيقة بس، هدخل أوضة الاجتماعات وأكتشف إن الراجل اللي كنت بتصرف قدام عربيته بمنتهى العفوية هو جاسر الشافعي… رجل الأعمال اللي اسمه لوحده كفاية يخلي أكبر رجال البلد يحسبوا له ألف حساب!
والصدمة الأكبر؟
إنه هو نفسه اللي هيعمل معايا مقابلة الشغل
اسمي يارا فؤاد، عندي 28 سنة، وفي صباح يوم الاتنين ده كان فاضل في محفظتي 2800 جنيه بس، بعد ما دفعت إيجار الشقة وفواتير الشهر.
كنت خارجة من البيت متأخرة، والأتوبيس اتعطل في الطريق، وشعري اتبهدل من الهوا، وملف السيرة الذاتية اتكرمش من كتر ما كنت ماسكاه… وفوق كل ده، حمالة صدري كانت ضاغطة على ضلوعي ومش عارفة أظبطها.
كنت رايحة شركة الشافعي للتكنولوجيا، عشان عندي مقابلة على وظيفة منسقة إدارية للمشروعات.
وأنا داخلة الشارع، لفت نظري عربية مرسيدس سودا فخمة، مركونة قدام مدخل الشركة…الإزاز كان نضيف ولامع، لدرجة إنه كان عامل زي المراية بالظبط.
بصيت حواليّا، ولما اتأكدت إن محدش مركز معايا، قربت من العربية وهمست معلش يا صاحب العربية، هستلف المراية بتاعتك نص دقيقة… وربنا هرجعهالك!
بدأت أظبط هدومي، وأسحب حمالة الصدر اللي كانت مضايقاني، وأعدل شعري، وأحط طبقة روج كنت شارياها من محل مستحضرات تجميل رخيص.
ابتسمت لنفسي وأنا ببص لانعكاسي في الإزاز.
لكن فجأة ابتسامتي اختفت!
يا نهار أسود!
كان فيه حتة سبانخ بين سناني الأمامية!
قربت وشي من الإزاز، وبدأت أحاول أشيلها بصباعي، وأنا فاتحة بقي بشكل مضحك… وفجأة…إزاز العربية بدأ ينزل بالراحة! ظهر قدامي راجل لابس بدلة رمادي غامق، شعره أسود مرتب، وعينيه رمادي باردة، وملامحه فيها ثقة تخلي أي حد يتوتر وهو واقف قدامه. حكايات مني السيد
كان وسيم بشكل مستفز، وابتسامته الهادية زودت الموقف إحراج. حصري على صفحة روايات و اقتباسات
بصلي وقال محتاجة مراية يا آنسة، ولا أعمل نفسي مش واخد بالي إني قاعد بتفرج عليكي بقالي دقيقتين؟
حسيت إن قلبي وقف!
اتراجعت خطوة وقلت بتوتر إنت… إنت شوفت إيه بالظبط؟
رفع حاجبه وقال تحبي أجاوبك بصراحة ولا إجابة دبلوماسية؟
قلت بسرعة لأ، خلاص، مش عايزة أعرف!
لكنه ابتسم وقال للأسف، شوفت كل حاجة.
غمضت عيني من الإحراج وقلت عظيم! لو لقيت كرامتي واقعة تحت العربية، ابقى حطها في ظرف وابعتها على عنواني.
وفجأة اڼفجر في الضحك!
بصيتله بضيق وقلت إنت بتضحك كمان؟! هو أنا ناقصة؟
رد وهو بيحاول يمنع ابتسامته بحاول أكون لطيف.
قلتله لأ، إنت محتاج تتعلم الذوق الأول!
لكن وأنا بتكلم، عيني وقعت على الساعة.
851!
صړخت يا مصېبتي! أنا اتأخرت!
بص ناحية مدخل الشركة وسألني مقابلة شغل؟
قلت وأنا بجمع حاجتي بسرعة أيوه، وظيفة منسقة إدارية للمشروعات..
سألني باهتمام والوظيفة دي مهمة أوي كده؟
تنهدت وقلت مهمة؟ ده أنا لو ما اتقبلتش، مش عارفة هدفع الإيجار منين الشهر الجاي! إلا لو حضرتك عندك فكرة أبيع بيها كلية من غير ما أتحبس!
اختفت ابتسامته للحظة، وبصلي بنظرة مختلفة وقال متقلقيش، هتكوني كويسة.
رديت بسرعة إنت تعرفني عشان تحكم؟
ابتسم وقال إنتِ قدرتي تواجهي الموقف المحرج ده، أعتقد إن مقابلة الشغل مش هتكون أصعب.
ابتسمت رغمًا عني، وبدأت أجري ناحية مدخل الشركة.
وقبل ما أدخل، لفيت وقلتله شكرًا يا صاحب العربية المستفز!
رد بصوت عالي العفو يا آنسة تعديل الملابس
الطارئ!
لفيتله وقلت إنت محظوظ إنك وسيم!
وبمجرد ما استوعبت أنا قلت إيه، حطيت إيدي على بقي!
يا نهار أبيض!
أنا كمان غزلت فيه؟!
رفع حاجبه
بابتسامة جانبية، وقبل ما أهرب، نده عليّا
على فكرة… لسه فيه سبانخ بين سنانك!
وبعدين رفع إيده ووراني علبة خيط أسنان!
جريت من قدامه وأنا حاسة إن حياتي الاجتماعية انتهت رسميًا… بعد خمس دقايق، وصلت للدور التلاتين، ونضفت سناني، لكن كرامتي كانت محتاجة تتعملها صيانة شاملة.
وقفت قدام المراية الصغيرة في الحمام، أخدت نفس عميق، وافتكرت أنا جاية هنا ليه… أنا مش جاية أتعرف على حد، ولا جاية أضيع وقتي… أنا محتاجة الشغل ده.
بعد ۏفاة أمي، مصاريف علاجها والديون اللي اتراكمت علينا اسټنزفت كل فلوسي. واضطريت أشتغل شغلانتين وأنا بكمل دراستي، لحد ما قدرت أتخرج وأجهز سيرتي الذاتية.
كل اللي كنت بحلم بيه مرتب ثابت وتأمين طبي وشوية أمان في حياتي. مش عايزة عربية فخمة ولا قصر ولا مجوهرات.
عايزة أعيش من غير ما أصحى كل يوم وأنا خاېفة من بكرة.
وفجأة سمعت موظفة الاستقبال بتنادي أستاذة يارا فؤاد، اتفضلي، اللجنة مستنياكي.
عدلت الجاكيت، ومسكت ملفي، وأخدت نفس عميق قبل ما أدخل…كانت فيه تلاتة قاعدين حوالين ترابيزة اجتماعات كبيرة… مديرة الموارد البشرية، ومدير القسم، وشخص تالت قاعد في صدر الترابيزة.
أول ما رفعت عيني عليه… اتجمدت مكاني!!!
البدلة الرمادي الغامق!… الشعر الأسود!… والعيون الرمادي اللي كنت لسه شايفاها من شوية!
إنه هو!
راجل العربية!
رفع عينه من التابلت اللي قدامه، وبصلي بنفس الهدوء المستفز وقال صباح الخير يا أستاذة يارا.
خرج صوتي بالعافية إنت؟!
مدير القسم بص بيني وبينه باستغراب وسأل هو حضرتكوا تعرفوا بعض؟
كنت لسه بحاول أستوعب الکاړثة، لكن الراجل رد بكل ثقة
اتقابلنا صدفة الصبح…
وبعدين بصلي وابتسم ابتسامة صغيرة وأضاف بس واضح إن أستاذة يارا بتحب تبدأ يومها بطريقة مختلفة…
حسيت إن وشي كله بقى أحمر، وللحظة حسيت إن درجة حرارة الأوضة زادت عشر درجات مرة واحدة! كان نفسي الأرض تتفتح وتبلعني للمرة التانية النهاردة، بس المرة دي قدام تلاتة من كبار المديرين في واحدة من أهم شركات التكنولوجيا في البلد.
مديرة الموارد البشرية، ست أنيقة في أواخر التلاتينات لابسة نظارة رفيعة وبصتلي بنظرة فاحصة، وقالت بابتسامة رسمية اتفضلي اقعدي يا أستاذة يارا، واضح إن يومك بدأ بنشاط.
مشيت ناحية الكرسي الفاضي قدامهم وأنا بحاول أتحكم في أعصابي، وركبي بتخبط في بعضها من التوتر. قعدت وحطيت ملف السيرة الذاتية المكرمش قدامي على الترابيزة، وحاولت أفرده بإيدي بسرعة عشان أداري شكله اللي يكسف.
بس طبعًا… عيون جاسر الشافعي الرمادي كانت مراقبة كل حركة بعملها بدقة مرعبة! كانت نظراته باردة، هادية، بس فيها لمعة سخرية خفيفة مستفزة، كأنه بيقولي بعينيه أنا شايف كل حاجة، ومستمتع جدًا بالعرض!
حاولت أتجنب أبصله تمامًا، وركزت نظري على مديرة الموارد البشرية ومدير القسم.
مديرة الموارد البشرية فتحت الملف اللي قدامها وقالت أهلاً بيكي في شركة الشافعي للتكنولوجيا يا يارا. أنا نهى، مديرة الموارد البشرية، وده أستاذ طارق مدير إدارة المشروعات، وطبعًا غني عن التعريف… بشمهندس جاسر الشافعي، رئيس مجلس الإدارة.
بلعت ريقي بصعوبة، وبصيت ناحيته ڠصب عني. رئيس مجلس الإدارة! يعني مش مجرد مدير، ولا حتى نائب مدير… ده صاحب الشركة كلها! الشخص اللي بيسوق مرسيدس آخر موديل وبيقعد في الكنبة الخلفية وسواقه هو اللي بيسوق، وأنا بكل سذاجة روحت أظبط هدومي وأطلع السبانخ من سناني قدام إزاز عربيته، وفي الآخر قولتله إنت محظوظ إنك وسيم!
يا رب رحمتك! أنا مش بس مش هتقبل في الشغل، أنا
غالبًا هيتعملي حظر دخول من
بوابة الشركة نفسها!
أستاذ طارق، مدير القسم، بدأ يتكلم بنبرة جدية احنا قرأنا ال CV بتاعك يا يارا، وواضح إنك اشتغلتي في أماكن كتير وكنتي بتدرسي في نفس الوقت.
بس وظيفة منسقة إدارية للمشروعات عندنا محتاجة شخص منظم جدًا، بيعرف يدير الأزمات تحت ضغط، ويهتم بأدق التفاصيل.
اول ما قال يهتم بأدق التفاصيل، سمعت صوت كحة خفيفة طالعة من ناحية جاسر! بصيتله بطرف عيني، لقيته حاطط إيده على بقه وبيكتم ضحكته وهو بيبص في التابلت بتاعه! يا برودك يا أخي! ده بيتعمد يوترني!
أخدت نفس عميق وقررت إني مش هستسلم للإحراج. لو هخسر الوظيفة دي، على الأقل أخسرها وأنا مرفوعة الراس، مش وأنا مکسورة ومرتبكة.
عدلت قعدتي، وفردت ضهري، وبصيت لأستاذ طارق بثقة وقلت أنا فاهمة ده كويس جدًا يا فندم. فكرة إني اشتغلت شغلانتين في وقت واحد وأنا بدرس في الجامعة علمتني إزاي أرتب أولوياتي تحت أصعب الظروف، وإزاي أتعامل مع أي مفاجأة تحصل في الشغل من غير ما أتهز أو أفقد تركيزي.
نهى هزت راسها بإعجاب خفيف، وقالت جميل. طيب قولي لي، لو عندك مشروعين كبار تسليمهم في نفس اليوم، وحصلت مشكلة مفاجئة في واحد منهم قبل التسليم بساعة، هتتصرفي إزاي؟
بدأت أجاوبها بهدوء وتفصيل، ونسيت للحظة وجود جاسر في الأوضة. اتكلمت عن خبرتي العملية، وعن المواقف الصعبة اللي عديت بيها في شغلي القديم، وإزاي كنت بحل المشاكل بأقل إمكانيات. حسيت إن طارق ونهى مقتنعين بكلامي، وده اداني دفعة أمل صغيرة.
لكن فجأة… الصوت العميق الهادي قطع حبل أفكاري كلام نظري ممتاز يا أستاذة يارا.
اتجمدت تاني. كان هو اللي بيتكلم. رفع عينه من التابلت، وسند ضهره لورا على الكرسي الجلد الفخم بتاعه، وشبك صوابعه قدامه وبصلي مباشرة. نظرته كانت حادة لدرجة حسيت إنها بتخترقني.
كمل كلامه بنبرة فيها تحدي واضح بس في الواقع، الأزمات الحقيقية مابتجيش بترتيب، ومابتديكيش فرصة تستعدي لها. أحيانًا بتلاقي نفسك في موقف محرج جدًا، أو غلطة صغيرة غير مقصودة بتحطك في وش المدفع… ساعتها اللي بيفرق الشخص المحترف من الهاوي هو قدرته على السيطرة على انفعالاته، وإنه مايخليش الإحراج يضيع تركيزه.
كان الكلام ظاهرًا عن الشغل، لكن كل كلمة فيه كانت موجهة ليا أنا شخصيًا! كان بيفكرني باللي حصل تحت في الشارع، وبيختبرني يشوفني هتهز ولا لأ.
بصيتله في عينه مباشرة، وقررت أرد عليه بنفس طريقته… كلام عن الشغل، لكن المعنى ليه هو لوحده! ابتسمت ابتسامة هادية وواثقة وقلت عندك حق تمامًا يا بشمهندس. المواقف المحرجة والمفاجئة بتحصل لأي حد، حتى لو كان عامل حسابه لكل حاجة. بس الشخص الذكي هو اللي بيعرف يتعامل مع الموقف بمرونة، يتعلم من غلطته بسرعة، ويكمل طريقه كأن مفيش حاجة حصلت.
.. والأهم، إنه مايسمحش لأي حد يستغل الموقف ده ضده!
سكتت الأوضة تمامًا لثواني! نهى وطارق بصوا لبعض باستغراب، مش فاهمين إيه التوتر الخفي والرسايل المتبادلة بيني وبين رئيس مجلس الإدارة. أما جاسر… ففضل باصصلي ثواني طويلة، وفجأة، طرف شفايفه اترفع بابتسامة جانبية صغيرة جدًا، تكاد متتشفش، وهز راسه ببطء كأنه بيقولي برافو عليكي… رد حلو!
بعدها قفل التابلت بتاعه وحطه على الترابيزة، وقال بنبرة رسمية حاسمة عمومًا، احنا قدامنا كذا مرشح النهاردة. أستاذة نهى وأستاذ طارق هيكملوا معاكي باقي الأسئلة الفنية، وهنبلغك بالنتيجة خلال يومين.
قام وقف وعدل جاكيت بدلته الرمادي الغامق، وقبل ما يخرج من باب أوضة الاجتماعات، وقف ثانية واحدة، لف نص لفة ناحيتي، وبصلي بنظرة غامضة وقال بالتوفيق يا أستاذة يارا… وياريت تخلي بالك من تفاصيلك الصغيرة بعد كده.
وخرج وقفل الباب وراه!
فضلت قاعدة مكاني قلبي بيدق بسرعة رهيبة.
كملت باقي المقابلة مع نهى وطارق وأنا حاسة إني في حلم غريب. خلصت وخرجت من الشركة وأنا متأكدة بنسبة 99 إني ضيعت الفرصة دي من إيدي للأبد.
عدى يومين… كنت قاعدة في شقتي الصغيرة براجع مصاريفي وبحسب ال 2500 جنيه اللي فاضلين معايا هيكفوني إزاي لآخر الشهر، وأنا بقلب في مواقع التوظيف بدور على أي شغلانة تانية.
وفجأة، رن تليفوني برقم أرضي غريب! رديت بلهفة ألو؟ جالي صوت بنت رقيق ورسمي مساء الخير يا أستاذة يارا، معاكي سكرتيرة بشمهندس جاسر الشافعي من شركة الشافعي

السابق1 من 4
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى