منوعات

كنت راجع من الجيش واختي فاجأتني بان نهى خطيبتي اتجوزت وسافرت مع جوزها

كل واحد فينا بقى ليه حياة مختلفة، وأنا دلوقتي متجوز واحدة وقفت جنبي في أصعب لحظة، وفهمتني من غير ما تجرحني، ورفضت تخليني أتخلى عن إنسانيتي.
ونهى كمان كانت محتاجة تبدأ صفحة جديدة بعيد عن أي ذكريات قديمة.
أما نادر، فقررت إني مش هدخل معاه في حرب اڼتقام، لكن في نفس الوقت مش هسمحله يقرب منهم أو يأذيهم تاني. واحتفظت بكل حقوقهم القانونية لو حاول يعمل أي مشكلة.
وبعد شهور، كنت قاعد في مكتبي، ودخلت نهى عشان تسلمني بعض الأوراق الخاصة بالشغل.
كانت لابسة لبس شيك، ووشها رجعله لونه، وبقت بتضحك من قلبها بعد
ما كانت دايمًا مکسورة.
قبل ما تخرج،
بصتلي وقالت
عايزة أشكرك يا حازم، مش بس عشان ساعدتني، لكن عشان رجعتلي إحساسي إن الدنيا لسه فيها خير.
ابتسمتلها وقلت
انتي تستاهلي كل خير، واعتبري إن اللي فات صفحة واتقفلت.
خرجت نهى، وبعدها بدقايق دخلت مي، وكانت جايبة معاها الغدا.
بصتلي وقالت بهزار
إيه يا سيدي، شكلك مبسوط النهارده!
ضحكت وقلت
الحمد لله، ربنا يديمك نعمة في حياتي.
مسكت إيدي وقالت
أهم حاجة إنك تفضل فاكر إن الخير اللي بنعمله مش بيروح، حتى لو الناس اللي بنساعدهم مش هيقدروا يردوهولنا.
وقتها حسيت إني
فهمت درس كبير.
أنا كنت فاكر إن نهى باعتني، وفضلت سنين شايل جوايا ۏجع وعتاب، لكن الحقيقة إن فيه ناس بتعيش مآسي محدش يعرف عنها حاجة، وإن مش كل اللي بنشوفه هو الحقيقة كاملة.
ونهى خسړت سنين من عمرها، لكن ربنا عوضها بفرصة جديدة، وأنا ربنا عوضني بزوجة أصيلة وقلبها كبير.
والأهم إني عرفت إن الطفل ملوش ذنب في كره أبوه، وإنه يستحق يعيش حياة كريمة بعيد عن أخطاء الكبار.
ومن يومها، بقيت أقول لنفسي
مش كل باب بيتقفل بيكون نهاية الحكاية، ساعات ربنا بيقفل باب عشان يفتحلك باب تاني، وساعات الحقيقة بتتأخر، لكنها
في الآخر بتظهر.
تمت

5 من 5التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى