عام

تزوجني عرفيًا وعشت معه ثماني سنوات

خرج من الأوضة، وسابها واقفة مكانها. أول ما سمعت باب المكتب بيتقفل، طلعت تليفونها بإيد بتترعش، واتصلت برقم محفوظ من غير اسم. أول ما الطرف التاني رد، همست إحنا اتكشفنا!
صوت راجل جه من الناحية التانية. اهدي واتكلمي. رقية رجعت مصر ومعاها ابن زيدان! سكت الراجل ثواني. وبعدين قال يعني الواد طلع موجود فعلًا؟ نهى حطت إيدها على بقها. أيوه وزيدان شافه، وابتدى يفتح الملفات القديمة!الراجل رد ببرود اسمعيني كويس ممنوع زيدان يوصل للحقيقة. طب أعمل إيه؟
! خليكي طبيعية وأنا هتصرف. قفلت التليفون وهي بتبص ناحية باب المكتب. لكنها مكنتش تعرف إن زيدان كان واقف في الناحية التانية، وإنه سمع آخر جملة قالتها. في صباح اليوم التالي، صحيت على صوت آدم وهو بيضحك. فتحت عيني، لقيته واقف جنب السرير، ماسك عربية لعبة صغيرة.
ماما، اصحي بقى! ابتسمت وشدّيته لحضني. صباح العسل على عيونك يا قلب ماما. باسني على خدي. أنا جعان. ضحكت. حاضر يا سيدي، هنفطر. قمت حضرتله الفطار، وبعدها قعدنا في البلكونة الصغيرة. كان الجو هادي، والشمس داخلة من بين العمارات.
آدم كان بياكل وبيحكيلي عن الطيارة، وفجأة سألني ماما هو أنا ليا بابا؟ إيدي وقفت في الهوا. بصيتله. ليه بتسأل يا حبيبي؟ علشان صاحبي في الحضانة باباه بيوديه كل يوم وأنا بابا عمره ما جه. حسيت بغصة في زوري. كنت دايمًا بحاول أهرب من السؤال ده.
كنت دايمًا بحاول أهرب من السؤال ده. مش علشان مش عايزة ابني يعرف أبوه، لكن علشان كنت خاېفة من اليوم اللي يسألني فيه ليه أبوه مش موجود. قربت منه ومسحت على شعره. طبعًا ليك بابا يا حبيبي. عينيه لمعت. طب هو فين؟
قبل ما أرد، جرس الباب رن. سلمى خرجت من أوضتها. أنا هفتح. لكن أول ما فتحت الباب، سمعتها بتقول بحدة إنت بتعمل إيه هنا؟! قلبي اتقبض. قمت بسرعة، ولقيت زيدان واقف قدام الباب. لابس بدلة رمادي غامق، وشكله مرهق كأنه منامش طول الليل.
في إيده كيس صغير، وعينيه بتدور جوا الشقة. أول ما شافني، قال صباح الخير يا رقية. بصيتله پصدمة. إنت عرفت عنواني منين؟! محتاج أتكلم معاكي. وأنا مش محتاجة أسمعك. حاول يقرب خطوة، لكن سلمى وقفت قدامه. الأستاذة

قالتلك امشي.
زيدان بص لها بهدوء. مش جاي أعمل مشكلة. قلت بعصبية وجودك هنا هو المشكلة! وفي اللحظة دي، آدم خرج من ورايا. ماما مين ده؟ زيدان أول ما شافه، ملامحه اتبدلت. الراجل اللي كان واقف من ثواني بمنتهى الهيبة، فجأة بقى مش عارف يتحرك.
نزل على ركبته علشان يبقى في مستوى الطفل. صباح الخير يا آدم. آدم ابتسم. إنت الراجل اللي في المطار! زيدان ابتسم ابتسامة حزينة. أيوه يا بطل. الولد قرب منه خطوة. إنت عرفت اسمي إزاي؟ إنت قولتهولي امبارح فاكر؟ آدم ضحك.
آه صح! وبعدين بص للكيس اللي في إيده. إيه ده؟ زيدان مد إيده بالكيس. دي هدية صغيرة ليك بس لو ماما وافقت. بصيت للكيس، وبعدين لزيدان. كان جواه عربية لعبة شبه اللي آدم بيحبها. قلت بحزم آدم، ادخل أوضتك مع طنط سلمى. الولد بصلي باستغراب.
بس يا ماما حبيبي، اسمع الكلام. سلمى أخدته ودخلت. وقفت قدام زيدان، وقلت بصوت واطي إنت عايز إيه مني تاني؟ بصلي فترة طويلة. عايز أعرف إذا كان آدم ابني. حسيت إن قلبي بيتعصر. وحتى لو ابنك؟ عينيه دمعت. يبقى ضاع من عمري 3 سنين وأنا معرفش إن عندي ابن.
ضحكت بمرارة. زي ما ضاع من عمري تمن سنين وأنا مستنية تعترف إني مراتك؟ نزل عينه للأرض. أنا غلطت في حقك. غلطت؟! صوتي علي من غير ما أحس. إنت طلقتني، وطردتني، واتجوزت أختي بعد أسبوع! وبعد ده كله جاي تقولي غلطت؟
! زيدان رفع عينه. أنا عارف إن مفيش كلمة هتصلح اللي عملته. يبقى امشي. لكنه قال فجأة رقية أنا مكنتش عايز أتجوز نهى. اتجمدت. إيه؟ ولا كنت عايز أطلقك. ضحكت بسخرية. حد كان ماسك عليك مس. دس يعني؟ سكت. وبعدين قال كان فيه ټهديد.
بصيتله باستغراب. ټهديد بإيه؟ قرب من الكنبة وقعد، وحط إيده على وشه. من 3 سنين، قبل ما أطلقك بأيام، وصلني ملف فيه صور ليكي وإنتِ خارجة من الفيلا، وصور من عقد جوازنا، ومعاهم ټهديد إنهم هيفضحوا جوازنا قدام شركائي. قلت بعصبية وإيه المشكلة إنهم يعرفوا إنك متجوزني؟
المشكلة مكنتش في الجواز يا رقية المشكلة كانت في بند قديم في عقد شراكة شركات العيلة. سكت لحظة، وبعدين كمل كان فيه ڼزاع على ملكية مجموعة مصانع، وأي ڤضيحة تتعلق بإخفاء ارتباط رسمي أو مستندات
مالية كان ممكن يستخدمها خصومي علشان يطعنوا في قراراتي، ويستولوا على حصتي.
بصيتله بعدم تصديق. يعني ضحيت بيا علشان فلوسك؟ هز راسه بسرعة. لا الټهديد كان أكبر من كده. إيه تاني؟ صوته اتكسر. كانوا مهددين ېأذوكي. سكت. كمل بعتولي صور ليكي وإنتِ بتروحي للدكتور، وإنتِ بتشتري من السوبر ماركت، وحتى وإنتِ واقفة في البلكونة.
حسيت بقشعريرة. وإنت ليه مقولتليش؟ كنت فاكر إني لو بعدتك عني، هتبقي في أمان. ضحكت وأنا بعيط. فقررت تكسرني بإيدك بدل ما حد تاني يأذيني؟ مردش. قلت طب وجوازك من نهى؟ ده كمان كان علشان تحميني؟ وشه اتغير نهى قالتلي إنها عارفة مين ورا التهديدات، وإن جوازنا هيوقف اللي بيحصل.
بصيتله كأني بسمع كلام من عالم تاني. وإنت صدقتها؟ وقتها كنت محاصر وفيه مستندات بتثبت إن حد من عيلتي متورط. سألته مين؟ وقبل ما يرد، تليفونه رن. بص للشاشة، وملامحه اتبدلت. رد بسرعة. أيوه يا فارس.
سمع الطرف التاني، وبعدين وقف فجأة. إنت متأكد؟! سكت ثواني. وبعدين قال متتحركش من مكانك أنا جاي. قفل وبصلي. رقية، لازم أمشي دلوقتي. قلت ببرود الباب قدامك. لكن قبل ما يخرج، وقف وقال أنا مش هضغط عليكي في موضوع آدم بس لو هو ابني، من حقه يعرفني، ومن حقي أعرفه.
بصيتله بعينين مليانين دموع. الحق ده كان موجود من 3 سنين يا زيدان وإنت اللي ضيعته. خرج وسابني واقفة. لكن اللي مكنتش أعرفه إن المكالمة دي كانت بداية كشف أكبر خېانة في حياته. وصل زيدان لمقر شركته، ودخل المكتب من غير ما يسلم على حد.
فارس كان مستنيه، وقدامه ملف كبير. قال بسرعة لقينا حاجة خطېرة يا فندم. زيدان قعد. اتكلم. فارس فتح الملف. من 3 سنين، وقت الأزمة اللي حصلت لحضرتك، كان فيه تحويلات مالية من حساب شركة تابعة للمجموعة لحساب شخص اسمه شريف الدمنهوري.
زيدان ضيق عينيه. شريف الدمنهوري؟ أيوه. ده كان المستشار القانوني القديم بتاع عمي. فارس هز راسه. بالظبط والمفاجأة إن التحويلات كانت بتتم بأوامر معتمدة من مكتب الأستاذة نهى. زيدان وقف فجأة. نهى؟! أيوه يا فندم وفيه أكتر من كده.
طلع فارس صورة من الملف. ده تسجيل دخول لمكتب حضرتك ليلة توقيع أوراق الطلاق. زيدان بص
للصورة. كانت نهى

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى