
بقى هو اللي يتابع احتياجات أمه، ولو طلبت مني أروح أساعدها، كان بيقوللي لو عندك وقت وقدرتي، روحي اطمني عليها، ولو مشغولة أنا هتصرف. الجملة دي بالنسبة لي كانت أهم من أي اعتذار، لأنها خلتني أحس إن مساعدتي بقت اختيار نابع من محبتي، مش واجب مفروض عليا عشان أرضي العيلة.
وبعد حوالي شهر، رحت لحماتي أنا وبنتي. لقيتها قاعدة في الصالة، ولما شافتني ابتسمت وقالت وحشتيني يا بنتي. حــ,,ـــــضنتها وقلتلها وإنتِ كمان يا ماما. وبعد شوية دخلت المطبخ أعمل لها حاجة تشربها، ولما خرجت لقيتها بتبصلي وتقول عارفة يا ندى؟
أنا طول عمري كنت فاكرة إن اللي بيخدم الناس هو اللي بيحبهم، لكن اكتشفت إن فيه ناس بتخدم عشان تتشاف، وفيه ناس بتعمل الخير من غير ما تستنى حتى كلمة شكر. ابتسمت وقلتلها المهم إن الواحد يعمل اللي يقدر عليه من غير ما يظلــ,,ـــــم نفسه.
أما ريهام، فبعد فترة حاولت ترجع تتعامل معايا بشكل طبيعي في المناسبات العائلية، وأنا مكنتش بعمل مشاكل ولا بفتح القديم، لكن خليت بيني وبينها حدود واضحة. لا أسرار، ولا ثقة زي زمان، ولا خدمات على حساب راحتي وبيتي.
وفي يوم، أحمد كان بيتفرج على صور قديمة على موبايله، وظهرت قدامه صورة ليا وأنا بغسل الحمام عند حماتي. كان حد باعتها له من الجروب قبل ما تتحذف. بصلي وقال عارفة يا ندى؟ الصورة دي كانت المفروض تفكرني قد إيه إنتِ كنتِ بتعملي حاجات كتير لأمي من قلبك، لكن أنا للأسف وقتها شوفتها بطريقة غلط.
قلتله أنا مش زعلانة من الصورة نفسها يا أحمد، أنا زعلانة من اليوم اللي حسيت فيه إن كرامتي أقل أهمية من زعل أخوك ومراته. قرب مني وقال مش هكرر الغلطة دي. وساعتها فهمت إن المشكلة من البداية مكنتش في إني كنت بغسل حمام حماتي، ولا في إن سلفتي صورتني وأنا بعمل حاجة بسيطة.
المشكلة كانت في واحدة شايفة إن احترام الناس ليها معناه إنها تقلل من غيرها، وفي جوز كان فاكر إن السكوت عن الإهانة هو أقصر طريق للراحة. لكن الحقيقة إن اللي بيعمل الخير مش بيقل مقامه، واللي بيهين غيره مش بيعلى مقامه.
وأنا من يومها بقيت أساعد حماتي لأني بحبها، مش عشان أثبت لأي حد في العيلة إني ست أصول، وبقيت عارفة إن كرامتي مش تمنها رضا أي حد، حتى لو كان أقرب الناس ليا. تمت.




