
كانت ساكتة ومغمضة عينيها.
بعد الكشف الدكتور طمّني إن البيبي بخير لكن آية محتاجة راحة وتبعد عن أي توتر.
دخلت لها الأوضة لقيتها قاعدة على السرير وباصّة للشباك.
قعدت جنبها وقلت أنا عايز أفهم كل حاجة. إنتِ تعرفي حاجة عن الفلوس اللي اختفت؟
بصت لي وفضلت ساكتة شوية وبعدها قالت محمود أنا معنديش
أي علاقة بالفلوس دي… بس فيه حاجة حصلت قبل النهارده وكنت خاېفة أحكيهالك.
سألتها حاجة إيه؟
قبل ما تكمل موبايلها رن.
كان رقم أبويا.
رديت أنا وقلت أيوه يا بابا إحنا في المستشفى.
صوته كان متوتر بشكل غريب محمود إنت لازم ترجع البيت دلوقتي وماتخليش حد يمشي من هناك.
استغربت وسألته ليه يا بابا؟ في إيه؟
سكت لحظة وبعدين قال أنا عرفت مين اللي حط الظرف في شنطة مراتك… وعرفت كمان مين اللي سجل المكالمة اللي كريم شغّلهالكم.
حسيت إن قلبي وقف للحظة. حصري علي روايات واقتباسات
سألته مين يا بابا؟
لكن قبل ما يرد سمعت صوت أمي في الخلفية بتصرخ إنت هتفضحنا كلنا علشان خاطرها؟!
وبعدها المكالمة اتقفلت.
بصيت لآية لقيتها مغمضة عينيها وبتعيط.
مسكت إيدها وسألتها بصوت واطي إنتِ كنتِ عارفة إن الموضوع هيوصل لكده؟
فتحت عينيها وبصت لي وقالت أنا كنت عارفة إنهم هيحاولوا يلبسوني التهمة… بس مكنتش متخيلة إن أمك هتكون طرف في الموضوع.
يتبع في الفصل الثاني…
حكايات_مريم_السيد
استقبلت كلام آية كأن حد ضړبني قلم على وشي. أمي؟ أمي تكون طرف في تمثيلية زي دي علشان تلبس مراتي التهمة؟!
سحبت كرسي وقعدت قدام آية، مسكت إيديها الاتنين وقولت بصوت بيترعش من كتر الذهول آية.. اتكلمي، بلاش أسلوب القطّارة ده. أمي ليها دعوة بإيه؟ والظرف اللي بابا ادهولك فيه إيه؟ والمكالمة دي كانت بتتكلم عن إيه أصلاً؟!
آية مسحت دموعها وحاولت تاخد نفسها بالراحة علشان البيبي، وقالت بقلة حيلة من أسبوع يا محمود.. لما كنت بظبط مع الحطّاب حاجتنا، أبوك جالي الأوضة لوحده، كان شكل وشّه أصفر وخاېف جداً. أدتني ظرف مقفول بختم شمع، وقال لي يا آية.. الظرف ده فيه الورق اللي بيضمن حق محمود وحق ابنك اللي جاي. كريم وأمك عاوزين يخلوني أبيع أرض المصنع اللي في بلدنا ويستولوا على ثمنها لحسابهم، وكريم مديون بناس خطړ وممكن يودينا كلنا في داهية.. احتفظي بالظرف ده وماتديهوش لحد غيري لما أطلبه منك، أو لمحمود لو جرالي حاجة.
سكتّ شوية وهي بتنهد وتابعت كريم عرف بالظرف.. وشك إن أبوك اداني عقد بيع الأرض أو التنازل! اتصل بيا المرة اللي فاتت وقعد يهددني إنه هيعملي مشاكل لو ماديتوش الورق، فأناتنرفزت وقولتله الجملة اللي سمعتها أنا مش هسيب حقي، والفلوس دي مش هتفضل عندكم، حتى لو اضطريت أتصرف لوحدي.. كنت أقصد حقك أنت وابنك في ورثك وحق أبوك اللي عاوزين ينصبوا عليه! لكن هو قصّ الكلام وخد الجزء اللي يبان فيه إني بهدد علشان أسرق الفلوس!
دمي غلي في عروقي.. الألغاز بدأت تتربط ببعضها، بس فاضل اللغز الأكبر أمي!
سألتها بزهول طب وأمي؟ أمي دورها إيه في ده كله؟!
آية بصت لي بأسف وقالت أمك مش عاوزاني أكتمل في البيت ده، وهي عارفة إن لو الأرض دي اتكتبت باسمك أو فضلت ملك لأبوك، كريم مش هيطول حاجة. أمك اتفقت مع كريم يحطوا الظرف بتاع الفلوس في شنطتي بعد ما عزمتني النهارده بالكدب، علشان ټضرب عصفورين بحجر تتخلص مني وتخليني أخرج من البيت ڤضيحة، وكريم يضغط على أبوك يبيع الأرض علشان يدفع ثمن الفلوس المتقالة إنها اتسرقت أو يداري على الڤضيحة!
ما استحملتش القعدة.. تليفوني رن تاني، وكان الرقم المرة دي رقم كريم أخويا!
رديت بصوت كأنه طالع من المقپرة عايز إيه يا كريم؟
صوت كريم كان متوتر وجنبه دوشة جامدة، قال بصوت واطي وبيترعش محمود.. الحقنا في البيت! أبويا انهار ومسك في أمك وعمتك، وفي ناس غريبة جت تحت العمارة بيسألوا عني ومعاهم سلاح! أبويا قفل على نفسه الأوضة ومعاه الخزنة وبيقول إنه هيبلغ البوليس عن كل حاجة!
قبل ما ألحق أرد، سمعت صوت تكسير زجاج وصړيخ عمتي فوزية في التليفون، وبعدها صوت ضړبة قوية وصوت أبويا پيصرخ أنا مش هسيبكم تضيعو
شقى عمري.. السر اللي داريته ٣٠ سنة هيطلع النهارده يا نادية!
الخط قطع! حصري علي روايات واقتباسات
بصيت لآية وأنا مش شايف قدامي من كتر الصدمة والړعب.
وقفت على طولي وقولت للدكتورة تمشي معاها إجراءات الخروج أو تفضل هنا تحت الرعاية.
آية مسكت في جديتي وقالت أنا جاية معاك يا محمود.. مش هسيبك تروح هناك لوحدك، الموضوع أكبر من مجرد فلوس، السر ده يخصك أنت!
يخصني أنا؟! الجملة رنت في ودني زي الجرس..
أخدت آية وركبنا العربية، وطول الطريق لمدينة نصر كنت سايق بأقصى سرعة والشرار بيطلع من عيني. الأفكار كانت بټضرب في دماغي زي السكاكين سر إيه اللي بقاله ٣٠ سنة؟ والناس اللي بسلاح دول مين؟ وأمي وأخويا وصلوا للدرجة دي من الشړ؟!
وصلنا تحت العمارة.. لقيت عربية سودا مفيهاش نمر واقفة على جنب، وفي اتنين رجالة ضخام واقفين على مدخل العمارة، عينيهم بتروح وتيجي بتوتر.
نزلت من العربية ومسكت إيد آية وجرينا على السلم، ما استنيتش الأسانسير.
أول ما وصلت الدور الرابع، لقيت باب شقة أهلي مفتوح على آخره!
دخلت الصالة.. المكان كان عبارة عن ساحة حرب! الفازات مکسورة، الكنب مقلوب، وعمتي سعاد وعمتي فوزية




