منوعات

بعد وفاة عمي بقلم اماني السيد

ندى كملت: أنا ما جيتش هنا عشان أفضحك.. جيت عشان الطفل يعيش. بس أنت جيت متأخر.

في اللحظة دي، جهاز القلب بدأ يطلع صوت أسرع، والدكاترة دخلوا بسرعة وفوضى عمت المكان.

ندى اتحركت بسرعة وبدأت تساعد في تثبيت الأجهزة.

أنا وقفت برا عاجز.. مش أب ولا زوج، بس سبب واقف بيبص على اللي بيحصل.

وبعد دقائق، خرج الدكتور وقال: الحالة استقرت.. لو كنا اتأخرنا أكتر كنا هنخسره.

بصيت لندى.. كانت لسه جوا بتبص لابني كأنها بتستودعه، وقبل ما تخرج قالت من غير ما تبص:
ـ الليلة دي مش نهاية القصة.. دي بداية الحساب.

ومشيت.. حسيت إن الكلمة فضلت معلّقة في الهوا زي السكينة.

الممر رجع هادي، بس الهدوء ده كان بيخوف أكتر.

ياسين استقر شوية والدكتور طمّني، أما أنا فكنت واقف مش عارف أعمل إيه.

شيرين قعدت على الكرسي قدام الأوضة لأول مرة من غير صوت أو أوامر، وقالت بهدوء: إنت هتسيبها كده تمشي؟

ما رديتش.. لأني مش عارف أعمل إيه.

في اللحظة دي جه الأمن: في واحدة من العاملين خرجت من المستشفى وسبت ظرف عند الإدارة باسم حضرتك.

قلبي دق.. أخدت الظرف.. نفس خط إيد ندى.

فتحته.. جواه ورقة وصورة قديمة.

الصورة كانت ليا.. واقف جنب عمّي وورايا ندى وهي صغيرة ماسكة في هدومه.

تجمدت وقرأت المكتوب: “عمك ما كانش بيحميني وبس.. كان بيحميني منك إنت من زمان، وساعتها كنت صغير ومش شايف، ودلوقتي الدور عليك تشوف.”

رفعت عيني.. ليه عمّي كان دايمًا قريب منها؟ ليه أصر تتجوزني؟ ليه ماكنتش أعرف أصلًا أنها موجودة في حياتنا قبل الجواز؟

شيرين سألت بخوف: في إيه؟

ما سمعتهاش.. كل اللي سامعه صوت ندى: “بداية الحساب.”

خرجت من المستشفى بسرعة، نازل على السلم، وأول ما وصلت تحت لقيت عربية واقفة بابها مفتوح وجواها شنطة صغيرة وحاجات ندى، وسايبة ورقة:
“لو عايز تفهم الحقيقة تعالى المكان اللي عمّك مات فيه.”

وقفت وقت طويل.. شيرين لحقتني بتنهج: إنت رايح فين؟

بصيت لها بفراغ: ياسين في أمان وأنا لازم أفهم.

ركبت العربية ومشيت.. لحد ما وصلت لبيت قديم مهجور في أطراف الأرض الزراعية، نفس الأرض اللي عمّي كان بيقولي عليها مفتاح العيلة.

الليلة كانت ساكتة والباب مفتوح.

دخلت.. ريحة تراب قديم وأوراق محروقة، وفي النص كرسي خشب وعليه ظرف كبير، وندى واقفة بهدوء.

قلت: جيت.. عايز أفهم كل حاجة.

هزّت راسها: هتفهم، بس مش كل الناس بتستحمل اللي هتسمعه. عمك كان عارف إن في صراع على الميراث وإن في ناس ممكن تأذيك، فاختار يحميك بطريقة غريبة.. يدخلني حياتك عشان أكون عين شايفة كل حاجة من غير ما تحس.
ـ يعني كنتي جاسوسة؟
ـ كنت حماية مش خيانة.. واللي ماكانش متوقعه إنك إنت اللي هتكون أخطر من كل ده.
ـ أنا؟!
ـ أيوه، لأنك لما بتخاف، بتدمر اللي حواليك.. وعملت كده معايا.

سكتت وقالت: ياسين مش مجرد ابنك.. هو السبب إنك تتغير.

فتحت الظرف.. وصية عمي بخط إيده: “لو وصلت للحظة دي اعرف إن اللي ضاع منك مش ندى.. اللي ضاع هو ضميرك.”

ساعتها سمعت صوت خطوات برا.. رجال.

باب البيت اتفتح، وصوت قال: خلصنا اللعبة بقى.

بصيت لندى.. وقالت بهدوء: دلوقتي اختيارك الحقيقي يبدأ.

وققبل ما أرد.. النور قطع، وسمعت: إما تنقذ نفسك أو تنقذ ابنك.

ثم سكون كامل.

الظلام كان خانق، وسمعت حركة ناحية ندى وصوت رجل بيقول: الورق فين؟

اشتغلت لمبة صغيرة كشف تلات رجال واقفين عند الباب، أحدهم مختار، شريك عمي القديم.

مختار ابتسم: أخيرًا فهمت إن عمك ما ماتش موتة طبيعية.
ـ إيه؟!

ندى قربت وهمست: الوصية اللي معاك فيها دليل إنهم كانوا بيسرقوا أرض العيلة، وعمك اكتشفهم.

مختار ضحك: وكان لازم يسكت.. وإنت كملت شغلنا لما كسرت البنت اللي كان حاميها.

تليفوني رن.. رقم المستشفى.

رديت بسرعة: ألو؟!

صوت الدكتور: الحق ابني! في حد حاول يدخل أوضته والطفل اختفى!

الدنيا اسودت في وشي.. ندى شهقت: ياسين!

مختار ابتسم: قولتلك الاختيار هيبدأ.

جريت ناحية الباب، دفعت الرجال بكل قوتي وتخانقت معاهم، وندى مسكت عصاية خشب وضربت بيها واحد منهم لتفتح لي طريق، وصرخت: اجري! هات ابنك!

وصلت المستشفى وأنا بنهج، لقيت شيرين قاعدة في آخر الممر وبتترعش.

بصتلي بدموع: أنا كنت غلطانة.. كنت فاكرة الفلوس أهم من الناس.

أخدت ابني منها.. وفي اللحظة دي بس حسيت إني أب فعلًا.

بعد ساعات، الشرطة قبضت على مختار والرجال بعد ما ندى سلمت الوصية وكل الأدلة، وتثبت إن عمي اتقتل بسبب الأرض.

أما ندى.. اختفت.

دورت عليها شهور، لحد ما لقيتها في نفس المستشفى بس لابسة يونيفورم تمريض؛ عرفت أنها كانت بتدرس بالليل وتشتغل الصبح وكل مرتبها تحوشه لتكمل تعليمها.

وقفت قدامها وأنا مش لاقي كلام: أنا ظلمتك.

ندى بصتلي طويل وقالت بهدوء: أنا سامحت.. بس النسيان حاجة تانية.

وبصت لياسين اللي نايم في وابتسمت بصدق.

وفيه فهمت إن بعض الناس ربنا بيبعتهم في حياتنا مش عشان نملكهم، لكن عشان يعلمونا نكون بني آدمين.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى