
شافتني قالت بكرة اصحي بدري.
بصيت لها.
ليه؟
قالت عايزين فطار حلو.
قلت حاضر.
وبعدين سألتها السؤال اللي كان شاغلني هما هيمشوا إمتى؟
سكتت.
أختها بصت لها.
وحماتي قالتليه مستعجلة؟
لا مش مستعجلة، بس عايزة أعرف.
قالت وهي بتعدل المخدة ورا ضهرهاأصل إحنا قولنا نقعد لحد آخر الشهر.
اتجمدت مكاني.
آخر الشهر؟!
أيوه.
إحنا لسه أول الشهر!
قالت وهي بتضحك ما هو الشهر لسه طويل.
خرجت من الأوضة وأنا مش عارفة أقول إيه.
تاني يوم الصبح، الساعة كانت خمسة ونص، صحيت على صوت خلاط.
فتحت باب الأوضة.
لقيت واحد من قرايب أحمد واقف في المطبخ بيعمل عصير.
طفلين بيجروا في الصالة.
والحمام مشغول.
والغسالة شغالة.
والتكييفات الأربعة شغالة.
دخلت المطبخ.
لقيت حماتي ماسكة ورقة.
قالت كويس إنك صحيتي.
بصيت للورقة.
دي إيه؟
قالت طلبات الفطار.
مدتها لي.
أخدتها.
بدأت أقرأ.
فول.
طعمية.
بيض.
جبنة.
عيش.
لبن.
عصير.
مربى.
حلاوة.
وفوق كل ده مكتوب
اتنين كيلو لحمة للغدا.
بصيت لها.
كل ده؟
قالت أمال الناس تاكل إيه؟
قلت بهدوء طيب أحمد فين؟
مش عارفة.
يعني هو سايبكم هنا ومش موجود؟
قالت أحمد راجل عنده شغل.
وأنا مالي؟
بصتلي بحدة.
إنتي مراته.
سكت.
وبعدين قالت الجملة اللي خلت حاجة جوايا تتكسر
انزلي هاتي الفطار بسرعة، قبل ما الناس تصحى وتطلب.
بصيت للورقة.
وبعدين بصيت لها.
وبعدين بصيت على باب شقتي.
لأول مرة من يوم ما اتجوزت، حسيت إني مش صاحبة البيت.
حسيت إني الخدامة اللي مطلوب منها تفتح وتطبخ وتنضف وتسكت.
مسكت مفاتيحي.
قالت وهي مبتسمة كترّي الجبنة، عشان خالك جابر بيحبها.
هزيت راسي.
حاضر.
نزلت السلم.
لكن بدل ما أروح ناحية السوق، وقفت قدام العمارة.
طلعت موبايلي.
اتصلت بأحمد للمرة التالتة.
المرة دي رد.
قلت له أحمد، إنت عارف إن أهلك قاعدين في البيت؟
قال بمنتهى البرودأيوه يا سلمى.
وأربعتاشر واحد؟
ضحك.
ما هما أهلي يا ستي.
غمضت عيني.
وهيقعدوا لحد إمتى؟
سكت شوية.
وبعدين قال بصي يا سلمى… أمي قالتلي إنك مش هتعملي مشكلة.
الكلمة دي خلتني أفتح عيني.
يعني إيه مش هعمل مشكلة؟
قال هكلمك بعدين.
وقفل.
فضلت واقفة قدام العمارة.
كنت نازلة أجيب فطار.
لكن في اللحظة دي قررت إن الفطار مش هو اللي هيتجاب النهارده.
ركبت عربيتي.
فتحت التليفون.
وعملت مكالمة واحدة بس…
المكالمة دي لو تمت
زي ما أنا مخططة، حياة كل واحد موجود جوه الشقة دي هتتغير.
ولما رجعت البيت بعد أقل من ساعة، حماتي فتحت الكيس وهي مبتسمة… لكن أول ما شافت اللي جواه، وشها اتغير تمامًا. حكايات_منال_علي
يتبع……
حماتي كانت واقفة في الصالة، وحواليها حريم العيلة مستنيين الفطار.
مدت إيدها بلهفة، وأخدت الكيس الأبيض الكبير من إيدي وهي بتقول بصوت عالي سمّع الشقة كلها
أهو الفطار جه يا جماعة! سلمى أصيلة ومبتتأخرش.. شوفي بقى يا ختي جابتلك الجبنة الرومي اللي بتحبيها يا أم فؤاد.
فتحت الكيس.
مدت إيدها جواه.
ملامح وشها بدأت تتغير بالتدريج.
الابتسامة اختفت.
حواجبها اترفعت.
طلعت من الكيس
كيس عيش ناشف، وتلات علب جبنة مثلثات من أرخص نوع، وكيس بلاستيك صغير فيه شوية طعمية باردة.. وتحتهم ظرف أبيض مقفول بحجم ورق ال A4.
بصت للكيس، وبعدين بصتلي، وعينيها طالع منها شرار
إيه ده يا سلمى؟!
رديت بكل برود وأنا بقلع الطرحة وبحط مفاتيحي على التربيزة
ده فطار.
صوتها علي
فطار مين ده يا حبيبتي؟! إنتي جايبة تلات علب جبنة لأربعتاشر بني آدم؟ وفين الفول والبيض واللبن؟ وفين اللحمة اللي قولتلك هاتيها للغدا؟!
قرايبها بدأوا يتجمعوا ويبصوا للكيس.
خال أحمد بص للجبنة وقال
هو في إيه يا سميحة؟ هو إحنا جايين نشحت هنا ولا إيه؟
حماتي وشها احمرّ من الإحراج، وزعقت فيا حكايات_منال_علي
إنتي بتصغريني قدام أهلي وناسي؟ انزلي هاتي الطلبات اللي قولت عليها كلها وفلوسك هتاخديها من أحمد لما يرجع!
ابتسمت ابتسامة هادية جدًا، وشاورت بإيدي على الظرف اللي لسه في الكيس
اطلعي من حرجك يا حماتي وبصي في الظرف ده الأول.
بصت للظرف بشك.
مدت إيدها وطلعته، فتحته وطلعت الورق اللي جواه.
كانت ورقتين
الورقة الأولى عقد مسجل وشهادة تصرفات عقارية أصلية بتثبت إن الشقة دي ملكية خاصة وحصرية




