
التركة والأصول المالية وصل ل ٦ مليون جنيه، غير نصيبك في بعض ممتلكات الشركة والأراضي.
مكنتش عارفة أرد من الفرحة والصدمة، لكن قبل ما أتكلم، لاحظت إن الأستاذة أمل بتقلب في أوراق تانية، وفجأة ملامحها اتغيرت.
رفعت عينيها وبصتلي باستغراب.
نادين، فيه مشكلة لازم نراجعها قبل ما نكمل إجراءات استلام الميراث.
قلبي اتقبض.
مشكلة إيه؟
قالت وهي بتشاور على ورقة قدامها
حسب المستندات الرسمية، إنتِ وكريم مطلقين من ٨ شهور!
حسيت إن الډم اتسحب من وشي.
إيه؟! مستحيل! أنا لسه مراته، وإحنا عايشين في نفس البيت!
طلبت المحامية نسخة رسمية من ملف الطلاق، وبعد شوية حطت قدامي صورة من الطلب.
كان فيه توقيع باسمي… التوقيع شبه توقيعي جدًا، لكن أنا عمري ما مضيت على ورقة طلاق، ولا دخلت محكمة، ولا حتى فكرت أنفصل عن كريم!
والأغرب إن فيه شاهد على الورق اسمه حسام… جوز أختي منة!.. في اللحظة دي افتكرت إن حسام شغال في العقارات والتسجيلات، وطول الوقت بيتباهى إنه بيعرف يخلّص أي ورق رسمي مهما كان معقد.
الأستاذة أمل لاحظت الصدمة اللي على وشي، وقالتلي بهدوء
اسمعيني كويس يا نادين، ممنوع تواجهي أي حد دلوقتي. لازم الأول نأمّن حقك ونراجع كل المستندات ونجمع الأدلة. واضح إن فيه حاجة كبيرة بتحصل من وراكي.
خرجت من المكتب وأنا مش مصدقة اللي حصل.
في نفس اليوم عرفت
إني ورثت ٦ مليون جنيه، وعرفت كمان إن جوازي اللي عشت فيه ٦ سنين انتهى على الورق من غير ما أعرف!
رجعت البيت وأنا بحاول أتماسك وأتصرف بشكل طبيعي.
أول ما فتحت الباب، سمعت صوت ضحك عالي جاي من الصالون… دخلت لقيت كريم، وأمي عايدة، وأختي منة، وجوزها حسام قاعدين بيحتفلوا.
السفرة مليانة أكل من أغلى المطاعم، والضحك مالي المكان.
أمي بصتلي من فوق لتحت وقالت بسخرية
أخيرًا يا هانم وصلتي! هو إنتِ مش هتبطلي لبس الهدوم العادية ده؟ المفروض تتعلمي تهتمي بنفسك لو عايزة تعيشي في مستوى البيت اللي إنتِ فيه!
ابتسم كريم أول ما شافني، وقام حضڼي وباسني على خدي، كأن مفيش أي حاجة حصلت.
حمد لله على السلامة




