
على الكرسي اللي جمب عمران، مش زي الليلة اللي فاتت مستنية الأمان؛ كانت قاعدة ضهرها مفرود، ماسكة تابلت بتراجع بيه بيانات الحاويات اللي بتفرغ في رصيف 44 بمينا الإسكندرية.
السفينة دي دخلت تحت اسم شركة وهمية في قبرص، قالت فريدة بصوت ثابت وعينها على الأرقام بس بوالص الشحن متمضية بكود حساب بنكي قديم يخص مجموعة سويلم للاستيراد… هشام مكنش شغال لحسابه يا عمران، الكود ده مربوط بشركة تانية اسمها أندروميدا للملاحة، والشركة دي متفرعة من حسابات عاصم الرفاعي.
عمران كان باصص للطريق قدامه، وسيجارته بين صوابعه بتطلع دخان أبيض خفيف عاصم الرفاعي… الراجل اللي كان عامل نفسه صاحب أبوكي الأنتيم
وواقف في أول صف في عزاه بياخد العزا بدموع التماسيح. هو الراس الكبيرة اللي حركت هشام زي العروسة الخشب، ووعده بنص أسطول الملاحة بتاع التهامي لو خلص موضوع التنازل والقتل من غير شوشرة.
وعاصم مفكر إن بعد حبس هشام، الشحنة دي هتعدي في المينا عادي زي كل مرة؟
عمران ضحك ضحكة قصيرة باردة، فيها نوع من الشراسة اللي بتخوف أكتر من الزعيق عاصم فاكر إن موانئ إسكندرية وبورسعيد ملك أبوه. ميعرفش إن رصيف المينا ده بالذات مفيش فار بيعدي عليه من غير ما يدفع تمن خطوته للحديدي. الليلة دي هنقفل الحساب القديم كله، مفيش ديون هتفضل معلقة لبكرة.
الساعة كانت داخلة على
حداشر بالليل لما العربيات دخلت من البوابات
الجمركية المخصوصة للمنطقة الحرة في مينا إسكندرية.
ريحة اليود والمية المالحة ممزوجة بريحة السولار كانت مالية الجو. الأوناش العملاقة كانت واقفة زي الديناصورات في الضلمة، والموج بيخبط في جدار الرصيف الخرساني پعنف. قدام سفينة شحن ضخمة لونها أزرق غامق رافعة علم بنما، كان فيه أربع عربيات دفع رباعي مركونين، وحواليهم رجالة لابسين جواكت جلد تقيلة ومسلحين واقفين مستنيين تفريغ حاوية معينة متغطية بمشمع كحلي.
وسط الرجالة دول، كان واقف عاصم الرفاعي. راجل في الستينات من عمره، لابس بالطو كشمير تقيل وماسك عكاز أبنوس برأس دهب، وشه صارم بس التوتر كان باين في عينيه اللي بتبص في ساعته كل دقيقة.
الحاوية




